Ángel González namái va abandonar l'escañu "si'l Parllamentu decide que tengo que dexar el mio cargu"

El voceru d'Izquierda Xunida na Xunta Xeneral, Ángel González, caltién la so decisión de non dimitir del so cargu y va dexar que sía'l Plenu del Parllamentu asturianu'l que decida, posiblemente'l 26 de mayu. El Tribunal Superior de Xusticia d'Asturies (TSXA) condenólu a 7 años d'inhabilitación especial pa ocupar un emplegu o cargu públicu por un delitu de prevaricación alministrativa por un fraicionamientu de contratos pa instalar monolitos que señalizaran foses comunes de víctimes del franquismu. González, que se declara inocente, va recurrir al Tribunal Supremo.

 

Pela so parte, Izquierda Xunida continúa presionándolu pa que dimita, ensin ésitu. Por ello, ye posible qu'a lo llargo de güei la direición de la coalición decida destituyilu como voceru de la formación na Xunta Xeneral.