Nacíu en 1779, de la noble familia carreñana de Savades, de Guimarán, fue Ramón García Alas alumnu del antigu Institutu Asturianu fundáu por Xovellanos, y más tarde (ente 1814 y 1841), profesor de Matemátiques nel mesmu centru. Yera’l güelu paternu de Leopoldo Alas “Clarín” y morrió en 1886.

   En 1887 Canella recueye dientro de Poesías selectas en dialecto asturiano un llargu fragmentu del interesantísimu “Diálogo político en 1833” (v. antoloxía), de Ramón García Alas y infórmanos de que yera tamién autor d’otros munchos trabayos y poesíes, que yá d’aquella taben perdíos.