Espaciu y Tiempu de la Llingua Asturiana

Tas en Espaciu y Tiempu > La llingua asturiana > Archivu Oral > AMPER

AMPER

El Grupu d’Investigación AMPER-Astur, perteneciente a la Universidá d’Uviéu y dirixíu por Carmen Muñiz Chacón, vien trabayando dende’l 2004 nel proyeutu internacional Atles Multimedia Prosódicu del Espaciu Románicu (AMPER) que nació nel 2001 na Université Stendhal de Grenoble/Grenoblo por iniciativa de Michel Contini. Nel casu del grupu asturianu, céntrase no que se refier al asturianu, gallego-asturiano y castellanu nel país, y básase na grabación de frases en delles zones del país col oxetivu d’estudiar la entonación y l’acentu.

Na base de datos d’AMPER-Astur hai datos rellativos a 20 informantes seleicionados, diez homes y diez muyeres, ente tolos analizados pol proyeutu y representativos de toles variables controlaes. En total son 252 archivos sonoros de caún d’ellos, de los que 126 son amueses de fala real y otres tantes de soníu resintetizáu, esto ye, desprovistu de soporte léxicu. Poro, el númberu d’archivos ‘wav.’ que compone esta iniciativa n’Asturies ye de 5040. Amás, tamién se presenta información gráfica de les curvas de entonación (F0) en Hz*, asina como de la duración y intensidá de caúna de les vocales del enunciáu, algamando los 12.600 gráficos.

Les zones onde se fixeron les grabaciones son les siguiente: El Franco (gallego-asturiano), Tinéu (asturianu occidental), Uviéu (asturianu central), Mieres (asturianu centru-sureñu) y Ribeseya (oriental).

Coneyería d'Educación y Cultura
Espaciu y Tiempu de la Llingua Asturiana
--Araz.net, © 2010. Tolos derechos reservaos.
Contador Estadistiques