Toponimia
¿Cuála ye la so percepción -del 1 al 10*- sobre la situación del asturianu na enseñanza en 2015?
Media: 3,70
¿Piensa que la situación ye 1, 0 o -1 qu'en 2014?
Media: -0.26
Cada vegada hai más trabayos d’investigación pa la recuperación de la toponimia, y sabemos más coses sobre los nomes de los nuestros pueblos, pero nun sé si podrá medise de qué manera llega a la xente esti asuntu.
DANI G. DE LA CUESTA
Músicu y investigador de música tradicional
La conseyería sigue ensin dar el impulsu definitivu pa dar acabación a los decretos de los conceyos que falten.
CARLOS PULGAR
Voceru de la XDLA
La situación ye igual en xeneral, cola esceición de la bona noticia de que n'Uviéu, últimu gran conceyu ensin oficializar la toponimia, paez que va echase alantre nos meses vinientes. Ye necesario facer un esfuerciu pa que l'usu de la toponimia se cumpla en tolos ámbitos. Munchos conceyos que la aprobaron va tiempu, siguen ensin cumplila; l'alministración central nun fai nengún casu, como normal, xeneral a los topónimos oficializaos. El Gobiernu d'Asturies tien qu'esixir que se camuden les señalizaciones de les carreteres estatales. Cuando dende Iniciativa pol Asturianu aconceyamos cola Delegación del Gobiernu dixéronmos ellos mesmos qu'eso podía facese en cuatro díes y con una inversión ridícula, porque güei en día les señales corríxense con pegatines, y eso abarata abondo los costos.
INACIU GALÁN
Presidente d'Iniciativa pol Asturianu
El procesu ta paráu, pero parez que va siguir, anque pa nun usales…
DAMIÁN BARREIRO
Periodista
Hai que completar la revisión toponímica y facer que los resultaos entren nes bases de datos oficiales que sirven pa elaborar mapes o documentos oficiales, pero lo fecho hasta agora ta bien fecho.
ANTÓN GARCÍA
Editor
La mayor parte de los conceyos yá tien la toponimia aprobada pero fai falta da-y usu.
GASPAR LLAMAZARES
Diputáu na Xunta Xeneral
Nun s’avanzó nada. Nes carreteres siguen atopándose rótulos ensin camudar cola escusa de “cuando avieyen los actuales”. Mui importante’l problema de la toponimia nes carreteres de titularidá estatal: nun se fizo nada pa iguar esta situación. Tampoco nun se fizo nada pa obligar a los medios de comunicación a atenese a la llegalidá nel mesmu tema.
AMADÉU BENAVENTE
Etnógrafu
Nun ye almisible que la propia alministración del Principáu nun cumpla colos topónimos que yá tán aprobaos pola Xunta de Toponimia.
NACIU VARILLAS
Periodista
Queden unos pocos de conceyos ensin oficializar nin revisar la toponimia. Tien que facese pídase o non por parte los ayuntamientos; ye urxente.
XOSÉ ANTÓN FERNÁNDEZ 'AMBÁS'
Músicu y etnógrafu
Hai una mayor inclusión de topónimos nel nomenclátor de les nueses ciudaes y pueblos.
ISIDRO MARTÍNEZ OBLANCA
Diputáu na Xunta Xeneral
Polo menos vei rematarse el proceso d’encuestación. Lo del cumplimento da llei, sigue 0 qu’antias.
MIGUEL RODRÍGUEZ MONTEAVARO
Escritor
