FORVO
 

Esti proyeutu nacíu en Donostia nel 2007 trátase d’una guía de pronunciaciones en más de 300 d’idiomes de tol mundu. La so particularidá ye que la so ellaboración corre a cargu de los propios usuarios, utilizando’l mesmu espíritu que la Wikipedia.
 

Forvo cuenta con un funcionamientu cenciellu. Los falantes nativos tienen la posibilidá d’incorporar a este base de datos la pronunciación de pallabres o frases nesi idioma y, al empar, atienden los pidimientos fechos por otres persones interesaes en cómo se pronuncia determináu vocablu nesa llingua. Nun se permite la utilización de robots.

Nel casu del asturianu, hai 44 usuarios activos que xubieron a la rede la pronunciación hasta la fecha de 2.291 pallabres. Nomes y términos como ‘Piloña’, ‘raigañu’ o ‘refalfiu’ son dalgunos de los que componen esta llista en continuu crecimientu. Mentes son cerca de 400 les pallabres pendientes de pronunciar.

Enllaz pa consultar la estaya d'asturianu de Forvo.