Tresmisión interxerenacional

¿Cuála ye la so percepción -del 1 al 10*- sobre la tresmisión interxeneracional del asturianu en 2016?

Media: 2.89

¿Piensa que la situación ye 1, 0 o -1 qu'en 2015?

Media: -0.22

Necesítase presencia diaria na enseñanza y nos medios de comunicación, sobre too pa los más pequeños.

DANI G. DE LA CUESTA
Músicu y investigador de música tradicional

Otra vuelta, a falta de polítiques actives por parte de los poderes públicos, les poques iniciatives nesti terrén vienen daes pola sociedá civil, con iniciatives tan valoratibles como Reciella.

XULIO ELIPE 'XUNE'
Cantante y conceyal

Felicitar a asociaciones como Families pol asturianu que trabaya nesta estaya, pero los neños/mozos d’agora nun falen asturianu, a nun ser los “patrimoniales”

VICENTE GARCÍA OLIVA
Escritor

Siguimos nuna situación dramática onde la tresmisión ye un milagru.

CARLOS PULGAR
Voceru de la XDLA

La continuidá y crecimiento de proyectos como les Escolines de Reciella xeneren esperanza.

INACIU GALÁN
Presidente d'Iniciativa pol Asturianu

Nun tengo referencies concretes, pero la situación nun ye bona.

AMADÉU BENAVENTE
Etnógrafu

Dalgunos colectivos, por exemplu, Reciella, tán faciendo esfuercios curiosos nesti sentíu, pero la tendencia xeneral ye a nun-yos falar a los neños n'asturianu, dalgo que s'agrava colos años y la perda de falantes.

Naciu Varilla
Periodista

Pral gallego-asturiano a situación social é dalgo diferente da del asturiano y, anque é complicada, nas escola inda queda muito nivel y muito futuro.

MIGUEL RODRÍGUEZ MONTEAVARO
Escritor