Resume situación xeneral

¿Cuála ye la so percepción -del 1 al 10*- sobre la situación xeneral del asturianu en 2016 (resume de les 10 anteriores)?

Media: 4,44

¿Piensa que la situación ye 1, 0 o -1 qu'en 2015?

Media: -0,11

Hasta que nun sintamos a los ñeños y ñeñes falar asturianu poles cais y nos parques, l’asuntu tien mala igua.

DANI G. DE LA CUESTA
Músicu y investigador de música tradicional

La sociedá asturiana asume’l fechu llingüísticu con naturalidá pero d’un mou pasivu, y los sectores más concienciaos nun somos quien a dinamizala y movilizala col aquel de presionar a los poderes públicos.

XULIO ELIPE 'XUNE'
Cantante y conceyal

O se da un saltu cualitativu bien ceo, o la cosa tiende a morrer.

VICENTE GARCÍA OLIVA
Escritor

Nun se dieron pasos suficientes pa que se revierta siquier un pocoñín la situación.

INACIU GALÁN
Presidente d'Iniciativa pol Asturianu

Nun se dieron fechos significativos y d’impautu social pa que la valoración xeneral camude.

AMADÉU BENAVENTE
Etnógrafu

Que tea igual que n'años pasaos ye bono porque nun va a peor, pero claramente malo porque'l puntu de partida ye llaceriosu.

Naciu Varilla
Periodista

Despóis d’estas respostas anteriores que parecen dalgo negativas, manteño lo mesmo qu’escribo sempre condo se fala de futuro nel noso ámbito: a difícil situación na que vivimos (na barricada sempre) tamén sirve de punto con perspectiva pra darnos de conta de lo que fixemos hasta agora. Creo que sigue faltando optimismo y crencia en nós mesmos al hora de reivindicar ou vivir en gallego-asturiano.

MIGUEL RODRÍGUEZ MONTEAVARO
Escritor