Nació en Navia en 1933. Vinculáu dende bien mozu a la vida cultural y popular de la so villa, Alejandro Antúñez participó como autor y declamador en numberosos actos lliterarios y festivos. Fue pregoneru de les fiestes de A Barca, del Descensu a Nadu de la Ría de Navia, del I Día Coral y Musical del Occidente y de les fiestes de San Pedro d’Andés. Ye autor de la lletra de los cantares: “Canto al Río Navia” y “Al Puente de los Santos”, popularizaos por mases corales y grabaos en discu.

   Como escritor tien publicaos dos llibros en gallego d’Asturies: Mochicas del meu llar (1988) y Papadíos de Navia (1996). El primeru ye una amuesa de la so obra como poeta popular, de versificación fácil y gran espresividá. Del segundu, cuatro relatos en prosa de calter costumista, el prologuista del volume, Manuel Fernández de la Cera afirma que “nestas narracióis curtias temos un testimonio impagable de la vida de la postguerra núa villa costeira de la Asturias occidental(...) Alejandro Antúñez móstranos con claridá meridiana dúas enérxicas dualidades que xa hoi nun se manifestan con tanta intensidá: las diferencias entre ‘las mesas de los más ricos, que nun yes importaba pagar un pouco más’ y las amas de casa probes qu’andaban al xeito de las súas podencias’ (...) en segundo lugar ta la dualidá entre las villas y el campo”.