************************************************************* D. Teodoro Cuesta Sonetu Llambion. El Repartidor del FONTE: "Dellos poemes más" (1995) (Academia de la Llingua Asturiana) Respétase la grafía orixinal. *********************************************************************** Bones Páscues, siñor ! d´ hoy en un añu Otra vez con salú, llambéi quixera L´AGUINALDO, pos faltu de cebera Estaré como siempre, y con secañu. Triste cuela la vida !.. pa mió dañu Infierno 'l mundo yé; na faltriquera Nunca un perru con utru tien quimera, Oyendo sin razón mas d' un regañu. Fora bono, que fechu 'n argadiellu, Infláu de papel, el añu enteru, Corriés sin axuntar pa un mal paxellu... Igual me diera entós, en un folleru Acabar de sofrir... floxu 'l votiellu La vida ye un sopliciu, caballeru.