************************************************************* D. Enrique García-Rendueles: “¡Soledá!” FONTE: "Los nuevos bablistas" (1925) (Enrique García Rendueles) Respétase la grafía orixinal. *********************************************************************** ¡ SOLEDA ! Sólo l' oral la xemía, Sólo l' oral la rezaba, Pel caminu polvorientu Diba sola la rapaza Y ya los güeyinos tristes El cielo no-i envidiara. Diba sola, soliquina, ¿ Toparéis mayor desgracia ? Por eso el vientu xemia N' o cimero de la rama Y quixer caritatible D' amores imbulubrala. ¡ Sola pel camín alante Sin que naide la llorara ! Por eso la paxarina Echói la postrer tonada Y llevó nes aliquines Pa los cielos la so alma.