*************************************************************

Fabricio
D. Fabriciano González García:

"Semblanza de D. Enrique García-Rendueles”


FONTE:

"Los nuevos bablistas" (1925)
(Enrique García Rendueles)


Respétase la grafía orixinal.

***********************************************************************


SEMBLANZA DE D. ENRIQUE GARCÍA – RENDUELES

Pa la busca y rebusca ú hay quien diga 
Qu' á isti cura aventaxa ni apareya, 
Pos regüelve en llibrotes d' escorneyá 
Y estrúyeyos el zumen sin fatiga.
Con mayor pesu que en llagar la viga 
Sin fuelgu y con el rixu que i arreya 
La pacencia probada de la abeya 
Y el trabayu teñaz de la formiga.
Ansina xuntó elli so tesoru 
Que val, como se diz, l' oru y el moru 
Llabrau y enriquecíu con so caltér;
Y lleyendo sos versos de tenrura 
Asómase á les mientes la fegura 
De Mosén Don Xacinto Verdaguer.