************************************************************************************** Bruno Cepeda: "RIQUEZA ASTURIANA" FONTE: "POESÍAS SELECTAS EN DIALECTO ASTURIANO" (recopilación de Xosé Caveda reeditada y aumentada por Fermín Canella en 1887) Respétase la grafía orixinal, asina como los títulos y comentarios en castellanu. ********************************************************************************** ........................ ........................ ALDEANA. -¿ Ello qué ye esto, Señor? Según veo va la danza , Que quien más chirla , más chirla , Y quien más fala , más fala . Pues suelto la tarabica Y allá vá mió cuyarada , Q'he bono de cuando en cuando Meter la pala cristiana . Pos crea, señor , q' aun Ñon i dixo la mió ama Nin de la misa la media. Nin del creu la metada . ¿ Acasu ye xigomencia Tararira ó moxiganga De los granos la cosecha , La fruta la piesca y caza , Les fuentes flores y yerbes Q' hay pe la nuestra montaña . Todo ello de bona triva Y todo con abundancia ? CORTESANO. -Ciertamente, aquesas cosas No deben ser olvidadas . Vamos , chica nada temas ; Dí cuanto te diese gana . ALDEANA. -Vusté ansí lo quier ? pues vaya . Si he de cebera, tenemos Con abundancia no escasa Escanda , trigu y centunu , Maíz , panizo y cebada . Sobre todo , de maíz Lo más d'Asturies abasta . Con él se facen boroñes Que crien xente tan guapa , Como denyure se topa Per esa tierra á la llarga : Cuando falta la boroña Una rosquia s' amasa , Y con el rescaldu en llar Se cuez de pronto y se pasa . Del maíz salen también Les farrapes , cosa guapa ; No hay comida más sabrosa Una mañana xelada , Si con lleche s' acompanguen Y están blandies como ñata . ¿ Y con qué se cría el gochu Que tien aquesto d' untaza Y á los probes aldeanos Ye lo que yos fay la barba , Si non ye con el maíz Del que hay tanta abundancia ? Agora l' otra simiente , Que acá llamamos escanda , Fai un pan como una flor Q' está bailando na palma . Garbanzos acá ñon pinten ; Quédense como arbeyaca . Pero tenemos arbeyos Y chichos en cualquier faza : Hay fréxoles , arxelines , Ñavos , castañes de Francia , Berces , coliflor , repollos , Cenahories , bona-dama , Alcachofes , cherivíes , Verenxenes , verdoliaga , Perexil , ayos , cebolles , (1) Fabes de Mayo , patata , Calabazones y fabes , Panizu , miyu , centenu , En fin , de toda metralla . Nin falta el melón tampocu , El pepín , la calabaza , Y el pimientu cebollón , Y el que como fuebu abrasa . Pa la mesa de señores Y para fer ensalada , Hay espárragos , llechugues , Escaroles , bona-dama , Perexil del mar , tomates , Espinaques y mostaza . Diga agora so mercé Si aquesto he cosa de gaita Para que aquesti país Por afamiadu se hábia . ¿ Pos de carnes : ¡ Xesucristo ! Ñunca mal sobre min caiga , Si non ye la que abastez Ñuestra tierra media España . Por q ' hai carne de carneru , De güe , tenrera y de vaca , De cabra , castrón , cabritu , De gochín , gochu y marrana ; Y todu con tantu excesu Que Castía aqui lo carga , En cecina y en tocín Y pardieces , ñon mui cara . Tamién tenemos gallines , Pavos , palombos a manta , Capones , gansos , coríos Y d' animales de caza, Hay la lliebre en cualquier matu , La perdiz en cualquier bárdia , La arcea en cualquier regón , El tordu en cualquier rimada , La corníz en cualquier sucu , El torcaz en cualquier rama , El glayu en cualquier camín , Y el picu en cualquier furaca . Y de les aves del mar Tópense en cualquier regata El carabán , el coríu , El cuervu marín , la garza , El gansu , la gallineta , El mazaricu , la gacha , El oliancu , el estornín , El coriín de l' Irlanda . De mar y tierra tamién Hay páxaros para xaula : El silgueru , el ruiseñor , El malvís y la calandria , Q' he gusto é nes carabayeres Oílos pe la mañana . Cuando por el Mayu canten Al bon día l' alborada . Si ye de caza mayor En cualquier fondigonada Hay xabalinos tan grandes Que puestos é na palanca , Apuxen per sostenelos Homes de bona puxanza . Hay osos , y angunu entr' ellos Que los caxellos abrasa . Les aveyes bien tu piquen , Pero con todu no escarma . ¿ Y quier ver que entamu tien El malditu de la trampa Para comeyos la miel ? Con el caxellu s' abraza , Y sufriendo los guixones , Ya d' esta que lu taraza En focicu , ya de l' otra Que lu pica na garganta , Aquella otra nun corbión . Aquest ' otra nuna yarga , Vase gufando hacia el riu, Y allí el caxellu se zampa , Y afogades les aveyes , La miel ( ¡ mal bregón)! se papa , D' estos hay muchos , Señor , Y unes besties son tan bravas , Que si s' agarren d' un árbol Danguna vez y se enfadan , Co les uñes nun instante Como un paliquín lu esgañan . Y anque i tiren con dos bales ¿ Piensa que marcha ? non marcha , Que bien á buscar el tiru Del fogón pe la llapada . Del robezu , más gustosa Y segura ye la caza : Pe los cerros y les sierres E nes pigurutes anda , Y lixeru com' el vientu Sin tocar el suelu , salta , Salvando los percipicios y sorviendo las distancias . Esguilando pe les peñes Tien q' andar el que los caza , Más en el aire que en tierra . Y cuendo con elli enllana , Amechai un par de bales . Y taramingai la llana , Y el animal arrollando Per una cuesta emprunada A picos picaños vien Fasta dar ena llanada . Non falten llobos y corcios , Y otra muncha cafarnaya De venados y llebratos , Que los eros mos abrasan . Y el pescadu ? Coomo estamos Aqui á la llengua del agua . Lu tenemos á porrillu , Fresco como el sol del alba , Q'esto ye comer pescadu , Lo demás ye patarata . ¡ Oh como en Madril lu vieren ! Voto y ño á tal que plásmaran . Aca hai salmón hai salmon como cuchu En Ribadesella y Pravia , Que sangra de puru frescu Pe la boca y pela galla . Hay pescades como borra , Xardón á taca reteca , Congrios á trompa talega , Besugos á farta farta , Meros á tente bonete , Aguyes á vati barra , Morenes á zurriburri , Sardina á vela y dexala Les mielgues á balagares , Cazón y xardes sin tasa , Les rayes á goxa llena , Barbos á pala cargada Y otru sin fin de pescadu , Que non sé ccomo se llama , Que á non ser que los arrieros , ( esos de braga atacada ) Acuden acá por ello Com' utres á la carnada , Para llevalo á Castía , A Riosecu y Villada , Bien pudiéramos estrar Con pescadu la corrada . Les llangostes y llocantos , Centolos y ñocles , fasta Empapizamos con elles . Ora tres de cualquier llastra Berverichos y percebes ; En cualquier pedreru ó playa , Morciones y alcarcinos , De vígaros muncha castra , Llámpares , ostres y almexes : Y para pescar con caña Con ñasa , refuelle ó rede , Con traina ó con tarrafa , Hay llovina de á dos tercies , Anguila de más de á vara , Como bárganos llamprees , Y truches como una estaca ; Soyes como la solera De una panera mediana ; Munchos más pescados hai , Cuntálos ye cuenta llarga . ¿ Y de frutes ? ¡ Dios m' asista ! Yo non puedo numeralas ; Porque pais por pais Naide al Principadu iguala ; Pos hai ñisos , cerigüeles , Y prunos , q' en una plaza , Dan por un ochavu á un ñeñu Una montera apiñada : Hay figos de San Miguel , De San Xuan exhorbitancia , Albaricoques , marmiellos , Peruyes , pera , manzana , El cadápanu , el albornin , El llimón y la naranxa ; La castaña , la cereza , La guinda , la ñuez , la ablana , El arándanu , el brusel , El mirándanu y granada , El melcotón , el duraznu , El piescu en grandura tanta , Que son como la cabeza D' una ñeñina tamaña ; Damascu como dos puños , Pavía com' una garra , El cidron y la grosella , La llima dulce y la amarga , Piñones y figos chumbos , Como los de l' otra banda . Recimos blancos y ñegros , Y la mora colorada . Vamos, dígame en concencia; ¿ Tanta fruta non lu plasma ? Pos ñon ye lo más aquesto ; Lo que más asombru causa E que cada triba d' estes , Otres munches so si abraza . Porque á parte cerigüeles , Pera , cereza y castaña , Que d' elles hay munches castes , Tenemos de la manzana , Ranetes blanques y pardes , La tardía y la temprana . Camoeses, de rabu llongu , Les de San Pedru y de bara ; De balsaín , vizcaines ; Peros d'inviernu y de alba , De ñuera , panera Infiestu , Balvonis , prieta , mesada , De coloradina , d' osu Carabiones , de caleyu , Repinaldes y d' escanda , Picones y castellanes , Ramones y ñuera blanca , De pardona , de Bilbao , De San Xuan y de monsaca , De Ana Menendi , de Aldonza , Y otres de triba tan basta , Que por ser inomerables , Ye imposible ñumeralas . Y , crea , que no hay denyure Manzana más sazonada . ¡ Oh , si vusté per el otoñu Hácia acá se empobinára , Cuando cuerre el maravayu De la cosecha , ablucára ! Pos viera montones tales D' elles po las pumaradas , Que pensára en so concencia Que d' oro yeren y grana , Salpicadines de pelres , Como gotes de orbeyada : Y mire , i habín saber Como agaire y miel rosada , Si dempués de sazonades Quiciaves les aprobára . ¡ Qué sidre d' elles se fai ! ¡ Qué sabrosa , qué dorada ! ¡ Y como el cuerpu callenta ! ¡ Cómo refocila l' alma ! El que emburrió dos pucheres , Quedóse com' una pascua , Falatible y gayasperu , Sin sede n' una semana . Y non piense : que ella sola , Enriquez al que la faga , Da don al que no lu tien Y horros y cases llevanta . Y si tantu la empondero , Non ye por que á min me cuaca , Que non fora cosa bona Dase á ella una rapaza , Nin conveniencia ternía Si á bebela s' avezara . Para min munchu meyor Cincuenta veces ye el agua : En todes partes s' atopa Tan fresca , clara y delgada , Tan gastiza de comida Que naide d' ella se farta . Non hay monte que non lleve Un regatu á la llanada ; Nin peña que non dé un chorru , Ni sin fontica la llastra . Atopa vusté les fuentes Que parecen pura plata , Allá en el más altu picu , Como na fondrigonada . Nos en pocu les tenemos A causa de so abundancia , Que solu puede apreciales El que conoza so falta . Pero si en Madril y en Caid Ansí manaren , ( ¡caramba! ) Naide al serviciu de Dios Deseara otra ganancia . Tamién tenemos acá , Fuentes de ñatura tala Que gorgoliten salmoria , La que munchu meyor sala Una fornada de pan Que la que del mar se saca . ¿ Y qué diré de les Caldes ? ¿ Y qué de la Fuente Santa ? Borboten agua caliente Que ansina el pelleyu escalda , Como la que sal del fuegu , Si en ella angunu se baña Y para el que tien gorguyos Pal romatismu y la sarna , Pal estómagu toidu , Ye melecina probada . Flora de mines y piedres Y otres coses d'importancia El ama bastante i dixo Cuando haí relacionaba, El puxu q' acá traín La ñación Gorxa y Milana, Romana , Cartaxinesa Xándala , Suela y Balana . CORTESANO. -Vaya. chica, te has portado . ALDEANA. -Pos que lo sepia me cuaca , Pa que non ande en patagüeyos Si Asturies é bona ó mala . ++++++++++++++++++++++++++++++++++++++++++ (*) Es esta poesía, como indica el señor Caveda en la edición de 1839, largo fragmento de más extenso romance "Las glorias de Asturias", obra monótona y no escrita por el Sr. Fernández con la gallardía de las anteriores. Una dama asturiana refiere á un cortesano las principales noticias históricas del Principado con relación hinchada y culterana, como es la poesía española del siglo pasado, y una campesina, no satisfecha porque calló la señora las producciones asturianas, enumera éstas, como verá el lector, hablando el dialecto de su tierra. (Nota de F. Canella) (1) Aquí falta un verso.