*************************************************************

D. Rufino Martínez Vázquez (1864-1910):

"¡Probitina!"


FONTE:

"Los nuevos bablistas" (1925)
(Enrique García Rendueles)


Respétase la grafía orixinal.

***********************************************************************


¡ PROBITINA !

Allí taba sola 
¡ Qué guapina 'staba !
So cara paecía la cara d' un ánxel 
Con blanca mortaya. 
Ya sos lindos llábios 
De coral, non falan
Cuntándome coses, siempre contentina... 
¡ Hay neña del alma ! 
¿ Ye verdá que 'l ánxel
 Qu' á la tierra baxa .
Fuxe á les altures utra vez contentu 
Porque Dios lu llama ? 
Abri esos güeyinos, 
Ábrilos, rapaza
¿ Cómo tú, que juiste siempre tan alegre 
Pues estar callada ? 
Traes coralinos 
Puestos na garganta,
To pelo, tan negro como 'l acebache, 
Cue' ga pe la espalda. 
Cuando fuxas lloñe, 
Lloñe á la morada
Onde alegres canten toos los anxelinos  
Dulce serenata,  
Al mirar tos güeyes,  
Al mirar to cara 
¡ Qué farán los probes, al vete tan chusca,  
Al vete tan guapa !  
Como yo, nel pechu  
¿ Sentirán la llama
Del amor que fierve cual volcán eternu, 
Que xamás s' apaga ? 
Mírame y dispierta 
Solo una migaya...
¿ Non dixist` un día, que resucitabes 
Si yo te besaba ?
Y en sos llabios fríos 
Y en so linda cara,
 Mil besos ardientes dexé nun menutu,
 Y non dispertaba.
 Mirela un ratucu,
 ¡ Qué guapina 'staba !
 Y anque sonreía callandinamente
 Ente la mortaya,
 ¡ Aquellos güeyinos
 Ya non me miraban
 Y sos lindos llabios, tan coloradinos,
 Agora axelaban !