*************************************************************

D. Isidro Díez de la Torre (1879-1917):

"¡Probe!…”


FONTE:

"Los nuevos bablistas" (1925)
(Enrique García Rendueles)


Respétase la grafía orixinal.

***********************************************************************



¡ PROBE !...

¡ Morríó la probina 
Trespasá de pena ! 
Solina en el mundo 
Y extraña en so tierra 
Sin calor de naide, 
Sin sombra siquiera, 
Rodó pe la vida 
Como fueya seca 
Que el cierzu desgaxa 
Y el vientu se lleva.
¡ Probe Rosalia ! 
¡ Quién i lo dixera 
Que aquel por quien tanto 
Había llorao ella, 
Aquel que xurara 
Llevala pa América, 
Había de dexala
Por una habanera 
Que será más rica 
Pero non más güena 
Nin más cariñosa
Nin más gayaspera !  
¡ Probe Rosalía 
Daba pena vela 
Pasar toes les tardes 
Camín de la iglesia 
Vistiendo de luto, 
Baxá la cabeza, 
Como si un gran crimen 
Pesara sobre ella. 
¡ Pa vivir asina 
Mejor está muerta !