POPULAR SONG
 
Una vieya n'Irlanda cabu'l llar ta sentada, 
y fila la mazorga y afuera arrolla l'agua.
 
Tres fíos que tenía, tres fíos que criara,
tópense los tres lloñe, nengunu queda en casa.
 
Unu foi pal ueste y a un amu s'allugara. 
Agora xaz en tierra, alló na tierra estraña.
 
L'otru foi mar adientro, a una patria suañada
y escuru, lloñe, lloñe, un día morrió al alba.
 
Y el terceru, el más duce, suave como toñada, 
una tarde d'agosto tarazólu una bala.
 
                                     (En Sietestrellu, I)