************************************************************* D. José Fernández Quevedo (Pepin Quevedo): "A Teodoro Cuesta" FONTE: "Lliteratura asturiana nel tiempu" (1994) (Antón García) *************************************************************** En el primer aniversario de su muerte. SONETO Hoi fixo un año que’l Siñor del Cielo y de la tierra, nel que creo y adoro, llamote al par de SÍ, pobre Tiadoro, mentes qu’Asturies yera un puru duelo. Munches veces calamos el pañuelo con el zumen amargo que da'l lloro y cuándo esapartaos, y cuándo a coro, non dábanos abastu al desconsuelo. “¡Tal día fixo un añu! ¡qué gran dicho! ¿Aú están aquelles honres tan planiaes al xilgueru que canta ensín alpiste? ¿A ónde ta la llosa, a ónde’l nicho?… ¡Tiempo, tiempo, semía de verdaes! Muérese ún, y ¡ai Dios! Tú que la viste.