************************************************************* Benito Canella Meana ‘La polesa’ Fonte: 'Poesías selectas en dialecto asturiano' *********************************************************************** LA POLESA ¡Qué moza tan xentil y gayaspera Va cruciando les Campes de la Pola! Al vella sacudir so guirindola Los mozacos esfamien de dentera. Alta, garbosa, bona delantera, Al vella entre la xente bullir sola, Relluz, como relluz el amapola, Que naz ente los parles de la era. Pinón, que ye un fachenda y atrevíu, Al so colar trióla de pasada, Y xibló–y dos palabres al oíu . Mas ella que pur pocu s’enquillotra, Apurrió–y en focicu una mocada Y díxo–y a Pinón: “Volvi per otra” . (En Poesías selectas en dialecto asturiano)