D. Teodoro Cuesta "A D. José Mª Gúzman" FONTE: "Dellos poemes más" (1995) (Academia de la Llingua Asturiana) Respétase la grafía orixinal. *********************************************************************** Días ¡ Bonos díes !..¡ Soy yo ! -¿ Cómo dexara que `l so santu colara sin mostrái mió cariñu y dulce anhelu ? Si allega un San José y estoy calláu deme por entierráu ó fechu una llaceria nisti suelu. Ya mios versos non llucen l' alegria y frescura q' un día, pos la musa so arrullu non me presta; cad' añu que s' esnidia mas m' encueye y al ver como me tueye dudo yo mesmu ser Teodoro Cuesta. Pero, déxelo andar, que si ni alteria y floxa la materia taramiella y amaga dar nel pozu, mientra l'alma na xaula se mantenga cuando un San José venga "Dios lu faiga feliz" dire con gozu. Teodoro