*************************************************************************************** Antón de Marirreguera: "DIÁLOGU POLÍTICU" FONTE: "POESÍAS SELECTAS EN DIALECTO ASTURIANO" (recopilación de Xosé Caveda reeditada y aumentada por Fermín Canella en 1887) Respétase la grafía orixinal, asina como los títulos y comentarios en castellanu. **************************************************************************************** DIALOGO POLITICO BASTIÁN.- Non quixera embarazavos , Xuan Suare , porque quicías Queréis dir para la llende O au Dios Vos ayudó, Arrima aquí la guiada ; Sentémonos , si te plaz , Departiremos un pocu Y cuntarásme lo q' hay . El tabacu tabacu , ye cansera Pedítelo , claro está : Que como no hay un ochavu Farás lo que lo; demás . XUAN. -Sí , amigo , aquí trayo un polvu ; Toma d' ello y dalo acá , Que por valir ya tan caro Non te doy para fartar. BASTIÁN.-Esta baxa tien la culpa , ¿ Quién nos lo dixera hoy fay Diez años ? Mal haya , amén , La infame ñecesidá . Entónces yera otru tiempo , Porque non había rapaz Que no abaratás moneda Como agora un capellán . Tal estaben los mercados Q' una vaca y un tenral Valín veintidos ducados ... Y eso lluigo a esgorgutar . ¿ Q' ha facer un probe ahora Si por ello non i dan Cosa que lluzca nin preste Y eso fiado un año ó más Anque quiebre les costielles El botiello y la cuayar , No abarata para peches Nin i llena l' agua al sal , XUAN. -Antes se ruxía q'agora Mandaba So Maxestá Fabricar otra diniro ; Bono fora , mas pu pa . Yo apuesto q 'algún señor Y lo ha desaconseyar , Q' enfotados no hay un cuarto Compren de valde lo q' hay . Par' ellos Ye cuanto un probe Puede correr y ganar . El gochu por San Martín ; La lleña por Ñavidá , El cabritu para Pascua . La cuayada por San Xuan La gallina , el pollu, el güevo La mantega , el rabadal . . . Y en faltándoyos con una Acabóse l'amista , Non sabe el rey lo que pasa Nin ñunca lo saberá . Dios tenga en bona folgancia A so Pá , ( que si fará) , Pos siempre nos quixo bien Y allá se lo afayará . En so tiempo non s'usaba Tanta embarcación de pan , Tanto maíz como ogaño Entro 'n Muros y en Puntal . Q' embarque lo que i asobre Un señor no hay q 'espantar ; Mas compralo pe los horros Pa enriquecer , he maldá . ¡ Oh , si yo me viera a soles Con el Rey medi' hora ó más Había de llei al oido La cartía pe á pa . BASTIÁN.- ¡ Xesús home ! ¿ con el Rey T' abis atrever Talar ? El pensálo solamente A les piernes fai temblar Y al honre más entendido Y fará trastaviar . ¿ Mas si falares con illi Que i abís de rellatar ? XUAN. - Había decii : - "Pos , Señor , Si non quita la mitá De les pagues , faga cuenta Que nos hecha al hespital . Lo que so padre i dexó Bien basta para pasar , Y lo que bien de les Indies Yo non sé lo que se fai , Métialo tras de dos llaves Non se fíe de so Má ; Mire q' el furto amañado Al más santo tentará . Tome cuenta por so mano Que ansí facen por acá Los señores , y por eso Non pierden so calidá . ¿ Que sirven tantos criados , Tantu diablu folgazán Que comen como aveyones La miel del so colmenar ? ¿ Non Fora bono enviar dellos Para Flandes ó Milán A vése con el francés , Que bien menester será Si hay muncho , muncho se gasta : Lo poco suele bastar . Yo por mi lo echo de ver; Porque si en mió casa hay Una boroña , se come , Y media suele allegar . Non se fíe de nenguno Anque sia de só Má , Que aquel que s' allega al sol , Por calentáse lo fai . Tenga cuenta co les arques , Con lo q' entra y lo que sal , Que si dicen munches llaves Pueden quedar n' abertal . De lo que pasó en Bilbao Muy bien se puede acordar . Y de los barcos de figos Con que umbiaba regalar So Madre al Emperador ; Y si esto en casa se fai , Los criados y criades ¿ Qué doctrina aprenderan ? Siempre lo oí yo decir , Y ora veo q' he verdá . Q' el diniro en muches manes Ñunca muy seguro está . Si tomó aquestos conseyos , Yo sé que non faltará De so casa la cebera Nin de la so bolsa el rial . Y si non fai lo que digo Puede ser que allegue á tal , Que ' i asoceda lo mismo Que á un agüilo de so Pa . Isti fó Enrique el enfermo Que viniendo de caciar Una nuiche para casa , Non afayó que cenar . Entre el mayordomo y él Apenzaron á falar, Que la caza que traía Con que l' habien de guisar . - " Señor , dixo el mayordomo , Malayá el remedio hay ; Que hasta na carnicería Ya non me quieren fiar ". Llevantó al cielo los güeyos Llenu el Rey de señardá , Y exclamó : ¡ " Que 'l de Castía Ya non tope que cenar ! O tengo remediar esto , o to perder la cuyar . - " Esta cena , dixo un paxe , Y la q' esta nuiche habrá En casa del Duque de Alba , ¿ Serán iguales quicías ? Aquí falta al Rey vianda , Allá tienen á fartar , Y los criados son amos , Y el amu famientu está ". - " Non será ansí, dixo el Rey , Xuro á tal que non será . Yo porné remedio n' esto Los Grandes s' acordarán , Y a ocupar cadún so puesto col escarmientu verná " . Vístese entós de criado ; Pa casa del Duque va , Y asentados á la mesa Ve los sos Grandes xintar, Y reíse y solazáse, Y á costa del Rey folgar . Unu diz : - " Me sobra tantu De lo que puedo gastar " ; Otru - " Con mió mayorazo , (Sin gaxes q' el Rey me dá ) . Sobránme diez mil ducados , Pa folgáme y reviciar" . El Rey oyendo estes coses Non quixo estáse allí más . Fóise fechu un puzcalabre Votando de se vengar . Otru día de mañana , Como quian non sabe tal , Manda s'axunten los grandes Allá en so Palacio Rial , Y severu en medio de ellos Yos empieza á preguntar : -" ¿ Cuántos Reyes conoceis ? " Respuenden : - "Uno y no más ". - " ¿ Y vos , diz al Arzobispo De Toledo, non me dais , Razón de los que aquí manden , De los que en Castía hay ? " -" Señor , respuende el Perlado , Desque me puedo acordar , Yo conocí solamente Al abuelo de so Pá , Y á so visagüelo Enrique , Y á so cuarto agüelo Xuan , Y agora, á quian guarde Dios , Conozo á So Maxestá ". -" ¿ Pos cómo, replica el Rey , Siendo yo menor d' edá Conozo venti en Castía Y vos los puedo cuntar ? " - " Esos pintados, i dicen , O de madera serán " . - " Non , traidores , sois vosotros , Los que presentes estais , Que pa min quereis el cetro Y para vos el mandar; Dáisme de Rey el nombre ; Vos teneis so autoridá . Pos si he cierto q' en Castía Hay unu solu y nomás Y qu'esi solu ye Enrique , Obedecei y temblá . Les ofenses que me feis Yo vos les faré pagar ; Todo cuanto me robastes Teneis ora qu' escorchar , Y si non aquí el gargüero Vais el verdugo dar " . Ansí dixo el Rey furioso , Y faciendo una señal, Cien soldados escoidos Entren ena Sala Rial Y el verdugo col cuchillo Y la maza y el dogal . Al velos, el Arzobispo S'omilla á So Maxestá , De pabura solliviadu , Implorando so piedá . - "Señor, i diz ; nuestra hacienda Vuestra yera , ye verdá. Tómela ; farto con ella Pa remediase tenrá ; Pero dexénos la vida Que gran mercé nos fará ". - " Vivii muy enorabuena , Pero dáime, ¡ voto á tal ! Cuenta de lo que chupastes , Sin salir d' aquí a la cay ". Dos meses y quince díes Tardaron en l' axustar , Y pe lo menos sobranon Para la Corona Rial Sesenta cuentos , con q' hubo Pa dos querres al empar . - "Fái tu , Señor, otro tanto Que lo que to agüilo fái ; Tamién tu puedes facello , Y sobres como él ternás . Más ricos y más folgados Hoy los tos Grandes están . Si facéis bon capador , Saldréis de ñecesidá ; Faréis guerra á la morisma , Entraréis per Xibraltar ; Per Ceuta y per el Peñón Arrepuñareís á Orán . Tiemblarán los enemigos Un Rey q' en Castía hay , Q' el solo puede fer guerra Anque sía al Tamerlán , Y garrar la Berbería Pe la costa de la mar , Y á Tunez y á la Goleta Con Arxel y lo demás Q' el católicu Fernando Poseyera tiempu atrás. Los Reyes antiguamente Tenín menos , facín más ; Porque ayudaben los grandes , Lo q' agora non farán . Pero , probe de min , tantu Que , destraidu en falar , Escurecióme de veres Y non to ver par' andar . BASTIÁN.-Pardiez, la nuiche ye escura Y la casa lloñe está ; Mas col palu y les madreñes Seguros hemos d' andar , Q' el camín ye conocido Sin piedes nin llamorgal . Y ya q' hemos dir escures Lleve el diablu más nos dá , Estamos aqui otro poco Y fartános de falar. Como tos esplicatives Yo tuviera, amigu Xuan , Tamien te contára coses , Q' en verdá t' habín gustar . XUAN. -Pos diles enorabona , Que bien puedes rellatar , ( En mió concencia lo digo) Delantre del preste Xuan . BASTIÁN.-Diz que pon el Turco guerra A toda la cristiandá . Rescocéi debe tovía Aquella de la ñaval Que salió con torga en rabo Como por antroxo el can . Diz q' antrar en Covadonga Y que ha de desenterrar Los güesos de sos agüilos Que mató Pelayo allá . Bien aína lo veremos Si Dios quier y á todos plaz ; Primero quicías d un mes Da quian dará panz por paz . Piensa que nos mete miedo Con tanto cacaraxar ; Pos ñon son tanto les ñueces Como ruxen en costal . Echa Piernes de muy noble Siendo Mahoma so pá . ¿ Mas si el padre ye un arriero , Mire el fio que será ? Fáise de muy gran linaxe Y de la casa Otoman , Aunque apenes tien en ella Un bancu en que se sentar. La mayor vellaquería Ye que el puercu ganapán , Nos tenga la casa Santa Muy soxeta al so mandar . Gobiérnase per un llibro Que llamen el Alcorán , Y diz él que ye meyor Que les lletres del Misal . Miedu piensa que nos pon Por llamáse Gran Sultán, Cuando acá se dá isti nombre Por despreciu á cualquier can. Nin confiesa ni oye misa , Nin se cansa en ayunar : Cásase con cien muyeres , Gocia de elles al empar , Y guárdales con capones Que no i la pódian pegar . Manda sobre la so xente , Como mando yo al mió can , Y sin dar cuenta denguna Sin manera d' enxuciar Lo mismo aforca los homes Que s' estripalla un llimaz. Ye sobervio y enfotado , Quier todo el mundo mandar Y con sangre de cristianos Si pudiés s' habia llavar . Mas ñon i sale la cuenta Cuando nos quier ximelgar . Que pensando llevar llana Nos dexa la llana acá . ¡ Que brava tundia y pegaron Los de Malta pe la mar ! Ñunca la mano yos duelga Nin ñunca yos falte el pan . Agora el Emperador Y el Pontífice Román , El Polacu y el Saxón Todos quieren dir allá. Venecia con sos galeres , El de Saboya y Milán , Los de Lluca y los de Písa Tamién con sos fuerces van . Los Préncipes Electores Los de la Iglesia y lo Rial Les ordenes melitares En aquesta liga están . Don Xuan d' Austria el esforciado Yé el nombradu Xeneral : Con illi van cabayeros De la orden de San Xuan Y de Malta, q ' á los Griegos Diz que se van á xuntar . A la armada del gran Turco Q ' en busca la ñuestra va , Hay ñoticies q ' embistienon , Con Pioli so Xeneral , Y que ganó la batalla Ñuestro Préncipe D. Xuan . Más de cincuenta mil moros De la armada del Sultan , En isti lance se cuenta Que dexaron la cuyar . ¡Que de morcielles faría Con so sangre Barrabás ! Mises serín escusades , Pos como diz el refran , " Escusa el que lleva el diablu Candela para allumar " . Xuro á bríos ! que si me viera Al par del grande Xabaz , Había quitai un vigote, Y con el medio caxal ; O con una bona porra , Que pesás medio quintal , Esmigayai la mollera Al gran puerco regular , Y capálu de ñabaya Y colgálu d' un ñozal . Non pienses que lu temiera Anque cerca lu mirás ; Que so coraxe y so fuerza Consiste en ronques no más . ¿ Viestes un gocho torgado Cuando sal de un llamorgal Farto de maíz y vianda Rellenu como un abá , El llombo de media lluna Fcechu un arco el rabadal Con el rabo ensortiado , Y puesto e nos pies d' atrás , Que batiéndoi los cuayares Y afumándoi el reñaz , Si se i echa una perruca La más ruin q' hay en llugar , Amusgóse espavoridu , Y non torna á espatexar ? Pos ansi , pintaparado En sin poner nin quitar . A mió mala concencia fai isi puerco Xabaz . Echa ronques, ye fumientu Cuando bien seguru está . Y encuéyese y non apuslla Si oye á danguno roncar . Dexémos agora al Turco , Que hay más coses que cuntar . Unes daránte contento Y otres te darán pesar . El Rey de Francia en Arxel Grande armada diz que trai : Unos dicen que por bien , Y otros cuenten que por mal . Si el amor que tien al oro Tuviera á la cristiandá . D' otra manera les coses Se nos habinn d' allugar . Illi ha ser siempre quien fó , Lo mismo fecía so Pá. Con sos zunes y sos trampes Siempre dispuestu á atrapar , Echa el cuerpu para fuera Viendo España lo que fai , Por ver si á río revuelto Algo ños puede agarrar . Como ños mira enredados Con el Turco , quien quicías Entre la verde y madura AIlimpianos á Milán . Tamién diz q' invió una carta Pretendiendo coronar Por Rey d' Asturies al fío Como si aquesto caucás . Ñon nos saltaba otra cosa Si ñon dexános sopiar Del fio del Rey de Francia Ñon siendo Rey ñatural . Voto á bríos ! que los forcados , Chuzos y llances q' están cargados de fumo y sarrio Los habíamos d' allimpiar , Y que lo de Roncesvalles Acá s' había renovar . Les muyeres de mió tierra Están en pecau mortal Co les zaragüelles anches Que s' estilen per allá : Han facer lo que les yegües Que non saben d' ensillar. Y en agoliendo la siella Escomiencen á escociar . El Rey si quier, puede fello ; Mas xuro que i á pesar Y q' ha retorcer la oreya ; El tiempo nos lo dirá . Si elli conociera á Asturies y el rinconcico que dá , Bien sé yo que non lu diera Nin al grande Tamberlán , Produz muncho bon maíz , Muncho del trigo candial , Muncha de la bona sidra , Muncha vianda de cuyar , Faba, castaña , panizo , Nuez, arbeyos, mio y más ; Ablanes , peres , manzanes , Ñisos , prunos á fartar . Ya digo ; bien puede dallo , Mas bien sé que 'i á pesar, Y que más de cuatro veces Ha querer volvése atrás . Amigu , muy tarde ye : Sin saber un lo que fai , En arrevolver el mundo Hora tras d' hora se va . Perdona , y hast' otra vez Que volvemos falar más . XUAN: -Adios , Bastián , el domingo , Que tendremos más vagar , Falaremos más despacio A la entrada del llugar .