*************************************************************

D. Teodoro Cuesta

Charada-Casadiella

FONTE:

"Dellos poemes más" (1995)
(Academia de la Llingua Asturiana)


Respétase la grafía orixinal.

**********************************************************************




Nació Blas en segunda, prima y cuarta, 
aldeuca d´Uviéo muy cerquina, 
onde por el veranu, los domingos, 
el fandango se baila y giraldilla.
De padres fanegueros, les morcielles 
al fumeru verás en a´ cocina, 
y mas de venti xuanes en salmoria 
pa con tucu y llacon esperen dia. 
Si casáu  no `stá, ye por la morde 
que so pa moza quier con tercia y prima, 
y como `l fiu tien segunda y cuarta 
nuera busca´l  mazcayu, guapa y rica. 
Pos si bien los paisanos mió segunda 
dalgunos non conocen, mas lletrina 
q´un abogau saben, y por eso 
llamen a mió primera melecina. 
Tiburcia la mocosa, q´ un trabayu 
diz que tuvo con Blas, de rapacina,  
como sin tercia y prima está la probe 
ningun casu fai Blas de la probina. 
Un nombre ye mi todu, que'n concencia 
non te puéo poner  mas á lá vista ...... 
si á acertalu non yes mialma te digo 
que la mollera tienes duriquina.


                                    


TEODORO CUESTA.