************************************************************* P. Félix López del Vallado, S.J. (1853-1918): "Cartes del estoyu" FONTE: "Los nuevos bablistas" (1925) (Enrique García Rendueles) Respétase la grafía orixinal. *********************************************************************** CARTES DEL ESTOYU I Pín. Chacha. . ¡ menistro Xuán !….. ¿ Quién lo dixera ? Pacha. ¿ Qué yé menistro Pín ?….. Pín. . -¿ Q'-ha ser bobona ? Andar al rau del Rey... mandar 'n-'a xente, Decí-i, pá siempre, á Dios, á la boroña. Pacha. ¿Y eso yé-'l mió Xuanín?... Pín. -Y-entá has de vélu, Negru-'l llevite, un paliquín con borla, Embutíes les manes en pelleya Dir en coche afumando, q'-aborrona. Pacha. Y si saben quien yé, faran-i casu ?.., Pín. Non han facé-i, muyer, no hay quien-i tosa, Non vés que dixo-'l Rey... < pa mandón isti, » Y en mandándolo-el Rey, pos puntu-'n-boca. Qu'-espurra él el focicu, y has de vélos Al cura y al Alcalde... hasta la tropa Mirar pá donde-'l mire y arrodiálu Co'-la cara melguera y combayona, Llamalu á toes hores Don Usía, Y si-'l mió Don Xuanín quier Dios que tosa Entós yé-'-preguntá-i ¿ si no 'stá güenu ? Y si cunten que cái dalguna gota Apurri-í un paragües, non se mueye, Afalagálu y sacudí-í la ropa. ¡ Q'-ansí ye 'l mundu, Pacha, y non te esmuelgues En pensar que dacuando fó otra cosa ! Pacha. Pero ven acá, Pín, aquel mociacu Q' enxamás echó mano á una fesoria ¿Cómo algamó d'-un blincu eses altures Tan aína y non más que có-la cholla ? Pín. Pos ahí verás, Pacha, aunque pá-'l casu Muncho fái el aquél de la persona, Yera el mió neñu ruín, más como agudu No hebo nunca otru tal é- na parroquia: Aquel pasar les hores pensatible Metidu'nte les peñes de la llomba, Les llágrimes temblándoi 'n-' caruca Co'-'l alma q'-á los güeyos se-i asoma, En tentes viendo al Sol, que tras 'I-Aramu Ente nubes de fuebu se-'sboroña, O la vista-'spaciándo pó-la vega Que cuerre del Narancu hasta la Pola. Aquel andar á caza de papeles, Pasar les hores llendo, una tras otra, Aquel sentir les penes q'-otru siente Y aquel siempre llorar cuando otru llora, Bien claro me decín á mi, Pachina, Q'-aquel neñu non era pá-esta folla, II Y ansí fó; llevélu á Uvieu En cá del mió-'rmanu Luis, ( El que barre 'n-'a Casona (2) Dond'-asplica D. Fermín ) Vistiómelu D. Carlinos De gabán, ó cosa así Punxo-i gorra por montera Calzón llargu y porzoguís; Pos á más d' esto emprestonos El llibru del aprendiz Y otru mú grande, mú gordu, Los dos llenos de llatín, Metanes del Estetutu Al mió neñu dexé dir: Entá se m' encueye-'l alma Pensando lo q'-entós vi. Taba-'stoncies la portona Fecha un ensamu, al ruxir Más que de fosques abeyes De la xente q'-había allí ¡ Si alloriara á cualsiquiera Cuanto más al mió enfeliz ! Saludáronlu de burles Cuando lu vieron venir, La gorra al suelu, diciéndo-i « Bien venidu, paisanín > Y un mayolón q'-había ente'-ellos, Faciendo de menistril, Punxo-i la Ley que se-i'-chaba Como á nuevu y aprendiz. ¡ Qué solmeyá-i les corades ! ¡ Qué félu dir y venir ! ¡ Qué mazcaes !, ¡ q'-emburriónes ¡ Qué dái güeltes al rinquín ! ¡ Qué facé-i-bail'-'l-fandango A 'stilu del só país ! A poques más me lu-'sñicen Si non sal el aguacil. Patha. ¡ Fiu del alma, queridu...! ¿ A cuántos mataste, dí...? Pío. Muyer, non yera pá-tanto Q'-anque llegué á véme ruin Co'-la pena q'-allí tuve Dexélu, diciendo ansí, « Si Xuan co'I tiempu há ser algo Tién q'andar esi camín, Q'-el camín de toda gloria Yé siempre-'l mesmu, el sofrir, « Pos que lu ande », y el consuelu Vine á'lcontrar xunto á tí. Pacha, non fayas pucheros Q'-estos ya son otros dís. Pacha. Ya lo sé y por eso, xunto Vienmé-'l llorar y el riir. Pín. Llágrimes con miel 'tán güenes, Anda púrreme-'l candil, Voy á buscar 'n-el 'stóyu Les cartes d'-él y de Lluis, ¡ Q'-allegra ver dende-'l alto Les llacéries del camín ! III Del año cincuenta y nueve Ubieo cuatro d'-Abril. Ya 'stá fechu Xuanín un-astodiante Que non piensa 'n-'a-'Idea Pasóe-i el dormir asudoriau Suañando co'-la güestia Y non llora, nin tembla, nin gritando Apellida á so má cuando-'ndispierta. La color y les ruges de mayuca Que truxo pa esta ' scuela, De puro non dar paz á la cuyara, Con correr y dormir á pierna suelta, Cambiolos por el ver de les manzanes, Tá fechu una mantega, Tién les pates de acebu, y d' andarina Yé'-'l su correr cuando lu pon á prueba: ¡ ¿ Tocálu al Pío-campo ? !... (3) nin por piensu, ¡ ¿ Coyélu les xosticies ? !.. ¿Quién lu alcuentra? Esmuzse como anguila ente les manes De toda esta reciella. Dá miedu velu al aire, si se tira Dende la muerte, cuando al salto xuega No hay otru que como él algarabane, Q'-amonte mas caballos é-na féria, (4) Nin blinque con más garbu, pongo-'l casu, Los poyos de cedenes 'n-'a Pedrera. Aquí yé-'I so reinar, ente-'sta xente Q' al miralu non más, dán-i obedencia, Pos yo non sé que tién en-'os sos güeyos, Non se q'-hay en so llengua, En so andar espurridu y gayasperu Q'-en patio toda griesca Há entamase ó ponése-i feniquito Con q'-el faga una seña. Y non ye lo meyor de'-'stes histories Lo que llevo apuntao 'n-esta cuenta Porq'-has á saber, Pín, q'-al respetive De fegura y xenial tien la mollera. De les notes meyores pa'-estes feches Pasó de la docena, Y si ahora non sal en-el cuadrucu (5) En q'-apunten los páxaros de cuenta Non yé nin por babáyu nin torollu Ye pó-lo muncho q'-el rapaz enrieda, Q'-á-'screbir pó-lo fino, A dar al catedráticu rimpuesta Cuando yos toma-'l pulsu del calletre Non hay unu que-í purra la palmeta. ¿ Qué val el Veranín (6) pa' lo q'-el pinta, Si cuando en tentes Xuan á unu contempla De tal modu i apriende los defeutos ( Pos siempre, n-'a fegura hay cosa fea ) Q'-al pintalu endispués e'-nes paredes E'-nes fueyes del llibru, per ú quiera, Condénalu á les rises, Y más cuando arrepare el que lu vea, Q' el mote que-i 'scribe por embaxo Ha durá-i lo que í dure la pelleya ? Ansí yé el tó rapáz, Co-'l tiempu q'-há ser de-'l si-s'-aserena ? No lo barrunto, Pín, aunq'-el pensálo Llevóme y há Ilevame muncha xera, Y cunta q'-esti enriedu Yé-`I primeru q'-acasu m'-asoceda, Pos tú bien me conoces Sabes que juí cevil la vida entera Y q` en calar po`-`I túfu les persones Donde quiera que tuvi punxe muestra, Pero d'-esti rapaz, güelvo á decite, Non pueo adevinar náa en concencia: ¿ Será Anxel ó Diaño ?... ¿ Quién lo sabe ? El tiempu lo dirá, dando la güelta, Y non hay q´aflixinos Por non saber qué traya `n-la só rueda, Que traya lo que traya, ello há ser güeno, Si trai lo que Dios quiera, Pín. Ah tú, falta aquí un puñáu de cartes... Pacha. Qué me dices á mí ?... Serín los neños... O si non, serís tú que les fumaste. Pín. -Tú, que priendes el fueu co'-los papeles.... Pacha. Güeno, fós quien fuera, llée pá lante. Pín ¿ Por onde ? Pacha. Por ú quieras, q` esta historia Pa nosotros yé igual por cualquier parte. Pín. Esta que sal aquí ye un poco llarga. Pacha. Con tál q'-hable de Xuan, que non s'-acabe. IV Añu sesenta y cinco-Pa'-`I mis `rmanu Pín de Ruca, vecinu de Llimanes. Dícesme que Xuan `tá algo ruinucu Tamién yo lo conozgo, non yé-`l q`-era: Y cómo non há-`star d` esa manera Si nunca de´-astudiar se vé fartucu ? ¡ Qué quiés Pín !... Del que tá-`n so ratonera Esmorullando llibros y papeles, Como abeya chupándoyos les mieles Pá'-ansl fer el só Agostu; Que sólo sal de casa á les lliciónes, Y otra vez al llagar, y güelta al fusu, Pa non perder nin gota d' esi mostu Q'- allegra la mollera Y yé lleche q' engorda les naciónes Non te tién que chocar que-i dé ruinera Nin que-i vengan folgaos los calzones. ¡ Vida del astodiante !... Dios la déa A quien glories y mandu ambicionando Famientu la desea; Pá ser unu feliz poco é bastante, Y si hay sitiu seguru ye la aldea. Canta Sico sallando 'n-'a quintana: Oise á Lín tóu-'l día allá-n-el monte Fradando á más fradar carros de lleña; Antes que risque-'l-Sol pé-la mañana. Por quinta vez con agua de la fonte Romiando sos amores vién la neña, Y allegres con el bien de la cosecha Ya vá pa dos semanes q'-en sin fuelgu Trabayen los vecinos é-n-'ndecha... Y todo yé salú, juerza y contentu En esi trabayar que yé alimentu; Mas yo non sé qué diaños tien la céncia, Qu'-el q'-en ella s'-envicia Paez que-i dá tericia, Y de un roble que yera A poco q'-ande-'l tiempu y el trabayu Tá fechu una güesera, Mas non t'-asustes, Pín por el tó neñu Que si bien s' arrepara La fegura q'-acabo de pintate, Y de xuro, non há d'-anquillotrate, Non tién, unque paéz, tan foscu el ceñu, Según d'-onde se mire yé la cara, Porq'-aliviu y consuelu d'-esi dañu, Que güelve á los rapazos amariellos, Yé el folgar, que lu llamen « vacaciones ». Pos d'-estes han de dayos cuatro al añu, Y si non yos les dan... tómenles ellos: Y non valen razones, Nin decir que son tantos nin son cuantos Porq'-eso yé xugar al alendunu, Lo que yo apriendo, Pín, q'-aunque sean santos En diciendo q'-amosquen non ves unu. ¿ Pos quién há sufrutar esi consuelu Con más xusta razón, más apetencia Q` el que cumple-`I deber que-i punxo-`l-Cielu ? ¿ Non há-spurrise-`ntóncenes sin duelu, Quien vive ansí tranquilu `n-a concencia, Pos tien siempre la carne puesta al tayu, Y nin furta-`l trabayu, Nin gasta otros enriedos que la cencia ? Arrima la fesoria, y ven un día A ver estos rapazos en sin pénes, Cuando rotes del llibru les cadenes Prienden fueu en Uvieo á la allegría... Ven conmigo... ya s'-oi la gritería... A gálamos la xente vá á la Plaza... Nosotros po'-´l atayu... cuérre.., céo... ¿ Non oyes el sonsón de los guitarros ?... ¡ Q'-al xusto los violinos meten baza ! ... Ya asomen por el Arcu en Cima-villa Arregüeltos con garbu-`n-el mantéo... Grita, Pinón, que ya la xente pálmia... ¡ Viva I'-astodiantina... ¡ Viva Uvíeo !... ¿ Empapielles ?... ¿ Dát-algo ?... ¡ Ah, sí !... ya veo: Ves á Xuan esguilando los balcones, Dando coples y dúces á les neñes Que lu ascuchen melguéres y risueñes, Y cuntes que pá-tanto no hay razones Pensando `n-`a montera y los calzones Q` atapen to pobreza Dexa, Pín, q'-entá-has velu con más creces, Tú, déxalu -`sguilar, non tengas duélu Que de granos más ruinos `n-isti mundu Nacieron les grandeces Y de náa fexo á tóos Dios del Cielu; ¿ Qué tién de menos Xuan ?... ¿ Tién cosa mala ?, Q`-ha tener, si-anque ruín-tién xentileza, En vertú y trabayar yé en sin segundu, Y cual diamante-`n-oru, pá más gala, Punxo el ñeru-`n so boca la agudeza. N´esta casa, con eses xecutories, Pá muestra, tiés de santos una sala, (7) Vén á véla y depriende sos histories, L`-un fó Obispo, xuéz el otru, aquel maestro Que fexo con su cencia cien dotores; Menistros, xenerales y rexentes, Los que lleven la palma ente les xentes Como artistes, poetes y oradores... De todos `n-esta pieza Los ritratos colgáos pé les múries Ensiñen so grandeza… ¿ Entíndes porq'-el Rey, que tá-alli-n-medio Yé préncipe d` Asturies ? Sírvante esos exemplos de consuelu, Y déxate de penes, Echa á un llao sospiros y empapiellos Que si por vieyu tú, non has de vélu Pá mi que Xuan co `l tiempu ha `tár ent`-ellos. Y con él han cuntase muchos otros Pos hay aquí á docenes Ferviendo á más ferver `n-estos caxellos, Zárzanos astodiantes Q'-han llegar á facer, si tienen vida, Lo q` otros ya fexeron endenantes. Cuerre la mesma sangre `n-`es sos venes, El mesmu xeniu 'n-so pechu tién guarida; Si pos iguales armes manexánon Xusto há ser con sos gloríes ver mecida La gloria que los vieyos nos dexanon. Pero esto, como vés, non yé pá todos. Q' el ser del astodiante Como el d`-otros mil coses tién sos modos. Pos háylos folganzanes Que non abren un Ilibru en tóu-l añu, Que pasen, pá-`l so dañu Roncando á pierna suelta les mañanes; Y en llegando q'-allega la su hora Dimpués de dar trebutu á la barriga Y ordeñar `n-el café la cantimplora, Llambides les cabeces como gatos Perfechos fegurinos Con llazos `n-`os zapatos Sin un llíxu `n-`a ropa Goliendo á lo q'-agüelen les muyeres En vez de dir á oyer á D. Carlinos (8) Van del brazu á pasiár pó-les aceres O' al Campu-San Francisco á vé'-la tropa, , Si non yé á facer señes Y agüeyar si pudieren á les neñes; Donde quiera que bailen 'I-< agarrao > ( O lo que quieras, Pín, custión de nombres ) Allí-'starán d'-á fecho, Que yé muncho más fácil q'-el darecho Dar güeltes á compás pé-les alfombres. En cambiu tienes otros Que yo non sé á qué vienen Pos al cabu los años de la cuenta Están por adomar como los potros, La mesma facha que truxénon tienen; Y non-'tá la razón en ser probinos Que yé lo mesmo cuando tienen renta; El mal-'stá allá dientro; hay arbolinos Q'-enxertaos d'-amargos fánse dúces, Más d'-ellos el que non admite enxertu Ha ser amargu hasta-'indispués de muertu. Ansí yos asocede á estos rapazos, Pariólos la pereza Y lleven esti mundu 'n-'os costazos; Has de vélos andar esmanganiáos Arrimaos, si nón, á les colunes La gorra echá'-pá-'tras, espelurciáos, , Con pelos 'n-'es vidayes Sin que puedas quitáyes eses zunes Por munchu que trabayes, Que son necios y amigos de pendencies Como axenos á tóes comenencies Y ansí pasen la vida Folgando, sin vertú, sin polimentu Por más que altiernen con presones fines, Más duros que guixarros El roce non yos mata les esquines. Pero... atendi... la hora 'tá sonando Y pué que los rapazos espantaxen….. Voy corriendo á deciyos que lo dexen. (9) Ya salienon ....ya 'tán alborotando.. , ¡ Juasús q'-algarabía. ¡ Qué ganes tengo véme d`-otra facha Llibre y feliz, tranquilu ent'-eses breñes ! Déxovos, á Dios, hast'-otru día. Un emburrión á Pacha Y lo que quieras, Pín, pa les tos neñes. Pacha. Ahora vién lo mejor... Pín. ... pero yé tarde. `Tan altes y temblones les estrelles Amoruyau-'l fuéu, q'-apenes arde Y pa tizálu fáltennos estielles... Non t`-estrañe q'-el xelu m'-acobarde Nin salga á la corrada ahora por elles. Pacha. Dexalo, Pin, déxalo pá mañana Que comer y dexar yé cosa sana. Rezánon los dos vieyos pó-`l só neñu Y en paz de Dios metiénonse `n-`a cama: Quixénon descansar……. más vanu-`mpeñu Que `taba dientro Xuan llama que llama Y pudo más l´-amor que pudo `I sueñu. Pinta-'l alba, y entá, cunta la fama, Que murmuraba Pín d'-esta manera... « Pacha... ¡ menistro Xuan !... ¿ Quién lo dixera ? 28 Marzo 1908.