*************************************************************

D. Teodoro Cuesta

Carta a D.N.N (1).Sección Literaria.


FONTE:

"Dellos poemes más" (1995)
(Academia de la Llingua Asturiana)


Respétase la grafía orixinal.

***********************************************************************


Otra vez, siñorín, llorando cuites, 
m' apareyo á escrebir,
pos tal ye la gafez que me desgóncia 
q'atarrezco 'l vivir.

El mió fiu, que cunta un garapiellu 
de neños, con vanzón,
lluciendo unos caniles q'al  mirallos 
envidias' un lleón;

roxos, coloradinos, falatibles, 
reblinquen, sin cuidar,
que si vusté, queridu, non m ´ayuda 
podrán fame pasar.

En  menos que lo cunto, de pan  tienro, 
taracen un copín,
y puestos á  rucar, cada quixada 
asemeya un molin.

Agora que se ruge'nte la  xente       
q ' un primo de vusté
va á correr col tabacu que se súrnia, 
y non ye poco á fé,

acuérdese d'Arturo, y al  pariente, 
faciéndolo custión
de rixu verdaderu, digai: << Cunto 
con su colocación.>>

Ya sé que non m' olvida, pos mió enfotu 
siempre vusté será,
y sépia q'isti vieyu, que'l mal  tueye 
nunca lu olvidará.

T. CUESTA.