********************************************************************** Xosé Caveda: "La Batalla de Covadonga" FONTE: "POESÍAS SELECTAS EN DIALECTO ASTURIANO" (recopilación de Xosé Caveda reeditada y aumentada por Fermín Canella en 1887) Respétase la grafía orixinal, asina como los títulos y comentarios en castellanu. *********************************************************************** LA BATALLA DE COVADONGA ROMANCE Non ves, amigu; isti templu Que llevantó la piedá, Escondidu n' eses breñes A los pies del peñascal? Pos ye un recuerdo de gloria Pa toda la cristiandá. Si el mundo lu olvida agora, Un día vieno á xuntar So el amparu de María Un trono rial y un altar. El tronu en Xeréz perdidu D' un Rey por la Iliviándá, Y el altar q' á Dios alzára Recaredo en só bondá, Ambos con sangre regados De xente muy principal, Y pe los nuestros agüilos Llibrados del mosulmán: Llibrados en isti sitiu Con llanzades á fartar, Donde agora se ven ruines De lo que fó tiempo atrás. Aquí cuando espavorida Lloraba España so mal Pe les traiciones perdida De Florinda y D. Xulián, Cuando al carro de los moros Uncida com' un tenral Nin siquiera s' atrevía A quexase y gurgutar, Fartu de tanta sofrencia Un esforciadu rapaz De Rodrigo descendiente Y afrenta del mosulmán, Llevanta contra illi el gritu Para vengar á so má. Al ¡ xuxú ! que llanzára, Fay los montes retembliar, Y cien mozos i arrespuenden Prontos como illi á lluchar Por la fé de sos agüilos, Por so tierra y llibertá: " O morriamos o venguemos " Les afrentes que nos fan. " Este peñes sepoltura " nos den , ó sean bancal '' Donde el tronu se llevante “ Del Godu que fincó allá. " Otru imperiu aquí fundemos; " Con elli la llíbertá, " Les costumes y los fueros " Que gociamos ticmpu ha. " Al tronu súbia el primeru '' Isti gallardu rapaz, " Vástagu de nuestros Reyes " Q' el cielu quixo guardar. “ Covadonga la so corte " Sea y so palaciu rial. “ El nos lleve á la polca, '' El nos sepia conservar " Pelayu vencía con nos “O con nos perecía acá. " Si dangún non tien corades " Nin puños pa lu ayudar, “ Y más que rnorrer vengadu " Quier con deshonra alendar, " Fuxa el cobarde de nos , “ Y nunca aparécia más “ Ente honrados y enté bonos “ Que nun conocen ruindá. “ Vengan les antigües llances " Q' arrimades al poyal, “ Cubiertes d' olvidu v roñu “ Rabien ya por rellumbrar, “ Fundiámosles nes entrañes " Del malvau que vien acá, “ A cocnemos la cebera “ Y acabar la cristiandá. " Desfarrapemos sos güesos, “ Homillemos so impiedá, " Y atope aquí so mortera " Pa escarmientu d ' otra edá. '' Ansina nuestros agüilos Dixeron; y al so gritar, Llevanten é nos escudos Al Rey q' el cielo yos dá: Al Rey valiente, enfotadu, Q' ardiendo en fe y llibertá, Por el filu de so espada Xura con ellos triunfar. Una cruz resplandeciente Sobre azuladu cendal, Entre fuegu y rescampleos Del tronido al retembliar, E nos cielos aparez De la victoria señal. El dedu de Dios la fexo Por so santa voluntá: Fexola pa dar aliendu Al q ' adora so mandar, Y con sangre del infiel Quier so ley desagraviar. En ella el pueblo asturiano; Afaya un nuevu cordial Que i escorrexa el temor, Y más forzudo lu fai . Non ve peligros nin cuites. Nin tien ya por que ablucar. El peligru lu enardez; Poder sobre natural Con santu valor lu aguixa , Y so esperanza reñaz. Como ve en puertu seguru El navegante la mar Estrellase entre les peñes. Con espantosu bramar , Y lu contempla seguro Sin temelu nin tremar. Ansina desde la cueva, Q ' escueye pa pelear, Pelayo seguru y llibre So estandarte al llevantar . Ve los fios de Mahoma Que cuerren á lu cercar , Con escuadres enfenites Y caballos á fartar. Al vientu da mil pendones Soberviosu el mosulman. Que sangrientos y triunfantes Del Guadalete los trai. Con so xente desparez Cuayadu el suelu ; el metal D ' al milles y de gorretes Que fai el sol rellumbrar. A los gúeyos encandila. Ye un espeso robledal De llances, piques y espades El que moviéndose vá, Envuelto en nuves de polvu Q ' el cielo pon entoldau. Y de trompes y de gritos Y d' un tieru relinchar, Atruenense les montañes. El mundo pared finar. Ya baxó la güeste al llanu. Ya frente la cueva está , Ya Don Opas, el traidor Va con Pelayu á falar; Con Pelayu , que rabiosu En alta peña encumbriau, Lu amenaza y lu maldiz Agriadu con so maldá -"Fuxe, apóstata, d' aquí, “ Non pretendias desleal, " Que me rindia al to decer, " Nin como tu al Oriental " Dé la honra y dé la fe " Con la sangre de mió pá. " Un ara tengo y un trono " Xuntamente que vengar, " Y una espada para fello " Que non manchó la ruindá “ Dios me dexará esgrimilla, '' Y sinón me matará '' Como bonu y como godu " Siempre fiel al so mandar, " Y non como tú , villanu, “ Y esclavu del Alcorán”. Dixo, y volvióse á los sos Respirando mortandá, Fuegu echando pe los güeyos Q ' ardin com' un llumaral. La cueva, el monte y el llanu So espada al desenvainar, Col brillo y chispes q' arroxa Tantu resplándien quicias, Como co los rescampleos D ' una nube por San Xuan. Entre todos llenvantadu, Valiente, atrevidu, audad, Bien se conoz que lu anima Un ser sobre natural. D ' escames d ' oro y de plata. Que mil relámparos dan , Tien la so almia cubierta Desde el pechu al espaldar. Ampáralu una redonda Tan grande com' un molar Toda d' aceru guarnida Que i la dexára so pá, Donde nin llanza nin chuzu Penetró nunca xamás, Nella un plateru entendido Fexo una cruz de metal, Y á sos pies ponxo un lión Esñizando un mosulman , Q´al que lo mira parez Que todo ello ye verdá. Con un brazu la llevanta Pol asa que tien atras, Mientres q ' á la so cabeza Un gorrote amparu dá, Fechu como media bola Más duro q ' un pedernal. Con escames pe los llados Y una sierpe nel cumbrial, Donde erguides se llevanten Cien plumes de pabu rial A manera de un llorón De los que vemos acá. En conciencia se parez A San Miguel del altar Col so cochellon de fuegu Empinau sobre Satán . ¿ Quién y tuse ? ¿ Quién s' atreve So coraxe á provocar ? Dios i echó so bendición. Y ena cueva de so má. Afaya cabe les nubes Una fortaleza tal, Como cristianos y moros La hobieron nunca xamás. Cien peñes guarden so entrada Torcida, estrecha de más, Donde allega solamente Con su vuelu el gavilán. Non hai orru tan folgosu: Tocando col cielu está, Y parez q' á picu fó Llabrada á rede quicías. Alli diz que la santina Madre del Rey celestial, Pa consuelo d ' esta tierra Se vieno un día allugar. Cuidábala un ermitañu Sabidu y santu al empar, Les coses q ' han de venir, Mui duchu en adivinar. Vieyu para dar conseyos Pe los trabayos llabrau, Conoció el mundu y los homes, Envolvióse en bon pañal, Fuxó del corrompimientu De la viciosa maldá, Que na corte de Toledo Vitiza vieno ensalzar; Y llorando les maldades, Que non podia remediar, Escondióse nesta cueva Del mundu desengañau. Frente al cielu llevantada, Y canosa barba trai. De los pies á la cabeza Cúbrelo negru cendal, Y aparez ena so cara No sé que santa homildá, Que causa amor y respetu Al que i allega á falar. -"Non temiais " , diz isti vieyu, A los que van á guerrear. " El Dios de vuestros agüilos " Desde el pie d' aquisti altar, " Darávos brazos de fierru, " Corazón de pedernal " Elli al homilde da fuerces, " Y al soberbiu floxedá. " Non veis llumar é nel cielo " Esa sagrada señal ? " Pos Él piádosu la manda " Vuestro aliendu pa esforciar. " Prueba ye de redención, "Y siento que lo será “ Pa la vuestra en Covadonga, “ Si en ella vos enfotais. " Calló y puestu de rodíes Mira al cielo en modu tal Q' arródialu un resplandor Más q' el que la güestia fai . Sos ruegos suben al cielo Cual na fiesta del llugar, Suben les nubes d' inciensu Que se quema nel altar. Y acuéyelos el Señor, Y nuevos esfuerzos dá, Y esperances de vencer A los probes q' allí están. Cadún garra la so llanza Y s' apresta á pelear, Cuando Muza eo los sos A manera d' un nublau, Vien sobrellos soberbiosu Pensando los acabar. Ansina llobos rabiosos Acometen al corral Donde se guarden los xatos, Les oveyes y el tenral , Sin perros que los defendían Nin puertes nin mayoral. Al sonar de les trompetes, De los homes al vociar, Al cruxir les armadures Y les llances al cruciar, Entre ñublados de polvu Q' el día toldadu fan . Entre el retembliar del suelu, Entre sangre y mortandá A la cueva s' abalanza Orgullosa el mosulmán . En contra d' ella llanzados , Mil dardos xiblando van: Con otros mil correspuenden Los que non la quieren dar. Cayen unos , y otros tantos Cedo ocupen so llugar; Confusión, muertes, berridos. Quexes del que va á finar, Cabeces desmigayades, Piernes rotes á fartar, Más llercia meten allí Q' habrá nel xuiciu final . Ya un tronca esfarrapa cientu De los que quieren saltar, Esguilando pe los cantos Fasta la cueva algamar. Ya de la cima del monte Arrincadu pel sitial, Rodando de riba á baxu Un tremendu peñascal, Al xiblar como si fora El más reciu furacán . Homes y escales sotripa Y tantos estragos fai. Cual el ríu entre les peñes En horrenda tempestá, Que co les lluvies hinchadu, Tres de sí lleva un llugar. El valle empapau en sangre Fechu un roxu llamorgal, Está de moros sembradu Que dexaron la cuyar. Les sos escuadres parecen Al llozanu maizal Donde dormieron los gochos N' elli fartos d' esfozar, Que los táramos rincaron Y urniando d' aquí pallá, Panoyes , fueyes y tronchos Non dexaren pa prestar. ¿ Y qué munchu , si la mano De Dios sobr' ellos está Pa confundir so soberbia Y castigar so maldá ? Faltu d' aliento l' infiel Al vese ansí esfarrapar, Quier esforciase á vencer Y non puede pelear. Así el toru escorrexau Que se escapó del corral , Dempués d' envestir cien veces Pa saltar un barganal, Y fartu de dar carreres D' esfronase y patexar, Queda sin fuelgu rendidu, Si otra envestida quier dar. Ciegu, rabiosu, esgonciau, Muza fartu de lluchar, Fuxe per desesperau La muerte que lu amenaz. Dexa alli en llagos de sangre Que nunca se secarán, De so casta la deshonra, D´Oriente la mocedá. Pe los valles á carreres Sin aliendu nin vagar, Ni atopa donde escondese, Nin tierra para escapar. Tal de los perros de presa Fuxendo el llobu cerbal , Arremete pe les breñes Y afura pel argomal, Y salta sucos y arroyos Por vese en seguridá. Pelayo entós, como el rayu Que llancia la tempestá, De la cueva á carrenderes Co los sos valientes sal. Tayos reflundie y llanzades Que ye cosa de plasmar. ¿ Quién lu espera ? ; ¿ quién s´ atreve so coraxe provocar ? Arremeter y apurrir, Ferír y desfarrapar, Ye tod´ uno: al mismu tiempu S' oye el golpe y vese el mal. Un rastru de negra sangre, De muertos un balagar, Marquen el camín que lleva, Son de so triunfu señal. ¡ Ay d' aquel que en so furor Y so lloca vanidá, Atrévese contra el cielo Y á Dios mismo va escarniar ! So poder non ye otra cosa Q' un fraxil cañaberal, Que quier resistir el soplu Del furiosu vendoval. Llevántase pa ferir, Y ena sepoltura cai, Cuando tardí arrepentidu Conoció so ceguedá. Ansina desamoriados Facen los fíos d' Agar. ¿ Dónde están los sos pendones, Y les Llunes de Bagdá, Y les tiendes y los carros Y el soberviosu allazán? ¿ Tantes escuadres armades Q' el Oriente arroxó acá, Fartes d' esmorgar el mundu De ferir y de matar, Que se fixeron ? . . . finaron ; Todu e polvu y vanidá. Los que perdona la llanza, Non se pueden escapar, Del Dios poderosu y fuerte Que vinieron á inritar. Cuando fuxen desbandados Como pitos del milán, La tierra que los sostien, Treme; salten del sitial Les montañes sacudides Con espantosu bramar, Y sobr' ellos derrumbades Como si el mundu acabás, En sos abiertes entrañes Muerte y sepulcro yos dan. Entre lloros del que fina Y destrozu y mortandá, Ruxe el son de la vitoria Que derechu al cielo va. Los ánxeles lu repiten Velados de maxestá; Y sobre ruines sangrientes Del vencidu Mosulmán, Enarbólase la cruz Que fó del triunfu señal. Y a España torna Pelayu Ara , tronu y llibertá .