*************************************************************

D. Teodoro Cuesta

"A Pablo Sarasate"
(Acróstico)

FONTE:

"Dellos poemes más" (1995)
(Academia de la Llingua Asturiana)


Respétase la grafía orixinal.

***********************************************************************





Anxel, mas que home yes, solo `n el cielu, 
Podrá quiciás oyese primor tantu; 
Al barruntu que toques, mas de un santu 
Baxa selin, por escuchate, al suelu. 
Lloca la xente, co `l mayor anhelu, 
Ora pálmia de gozu o vierte llantu, 
Según to vigulin, que ye un encantu, 
Afalague `l placer ó cante el duelu. 
Rica corona ya l' Uropa entera 
A texer pa to frente se prepara 
Saludando to nome que venera... 
Ay ! ¿ como non ? si l' orbe lo declara; 
Tan bien lo faes, lin, que si t' oyera 
El mesmu Paganini empapiellara.

T. Cuesta