Cine a la Lluz de la Lluna: 'Érase una vez en… Hollywood'

24 Agostu, 2020
Cine a la Lluz de la Lluna: 'Érase una vez en… Hollywood'

Torna Tarantino, y failo otra vuelta con una historia que transita de manera tanxencial por fechos reales asocedíos na meca del cine nel branu del amor y l'españíu del movimientu 'hippie'. Al traviés de les peripecies d'una estrella de la televisión en decadencia que busca con enfotu llevar la so carrera hacia'l cine y al qu'acompaña de forma fiel el so doble d'aición, amigu, xofer y cuasi tamién secretariu personal, descubrimos una parte de Hollywood que nun suel apaecer na pantalla.

Too un homenaxe al cine, ún más del cineasta, a una época y una manera de vivir retratada con pulsu y tamién con esi ciñu que surde de la señardá propia de los recuerdos. Enérxica, pretosa, apoteósica per momentos y siempre atractiva. Tou un espectáculu.

Direutor: Quentin Tarantino.

País: Estaos Xuníos.

Añu: 2019.

Llargor: 165 minutos.

Guión: Quentin Tarantino.

Fotografía: Robert Richardson.

Repartu: Leonardo DiCaprio, Brad Pitt, Margot Robbie, Emile Hirsch, Margaret Qualley, Al Pacino, Kurt Russell, Bruce Dern, Timothy Olyphant, Dakota Fanning y Damian Lewis.

Non recomendada pa menores de 16 años.
Hora: 22.15h

Sitiu: 
Parque del Palaciu de los Deportes
Localidá: 
Uviéu
Tipu d'eventu: 
Proyecciones
Contador Estadistiques