*********************************************************************+*
Sico Xuan de Sucu
D. Félix Aramburu y Zuloaga  (1848-1919):

"A Teodoro Cuesta"


FONTE:

"Los nuevos bablistas" (1925)
(Enrique García Rendueles)


Respétase la grafía orixinal.

***********************************************************************



SONETO

A TEODORO CUESTA


Non t' amurnies, Tiadoro, nin t' amosques 
Si tras d' afalagate por tos prendes 
Algamara á escurrir por qué te viendes 
Más caru qu' ha ponese el pan de rosques. 
Tú la llengua semeyes que n' os bosques 
Fala 'l páxaru pintu; tú arreciendes 
A tumillo 'n tos coples; tú sosprendes 
De mín y d' utros les maneres tosques; 
Tú sabes más qu' un llibru de veyures 
Y coses guapes; pero tanta cencia 
Tú muncho por cuntala non te mueles 
-Por qué ye, Tiadorín? Anque me xures 
Que ye por flin ó flan, sé yo en concencia 
Que yes un folganzán de siete sueles.