*************************************************************

Pachu’l Péritu
D. Francisco González Prieto:

"El Ñeñu moribundu"


FONTE:

"Los nuevos bablistas" (1925)
(Enrique García Rendueles)


Respétase la grafía orixinal.

***********************************************************************


 
EL ÑEÑU MORIBUNDU

 (Traducción de X. Marmier.) 
 

Mió má, toi atristayau, 
Y entama ya risca 'l día;  
Déxame, quió ' pigazar  
En to senu una horiquina.  
Pero que non vea 'l to Iloru,  
¿ Por qué tás tan aflixía ?  
Triste son los tos sospiros,  
Y el to llantu me contrista,
Tápame, que teño fríu 
Y hay ñegrura 'n reor, mira, 
Pero cuando piesco 'l sueñu, 
Entós algamo la dicha; 
Vego 'l anxelín flamante 
De dorada lluz devina, 
Que suel pasar por mió' nsueñu. 
¿ No oyes cantos d' armonía 
Como los qu' hay é nel cielu ? 
El anxelín m' apellida, 
Y con esnales di oro 
Y colores m' ilumina. 
Tírame flores y rise, 
¿ Terné que morrer aína 
Pa tener ales como elli 
Y andar en so compañía ? 
¿ Por qué m' aprietes tan fuerte ? 
¿ Por qué sospires, mamina ? 
¿Por qué viertes eses llárimes 
Y te pones compunxida ? 
¡ Ay ! por Dios, calla, non llores, 
Tú yes mió madre querida, 
Sufres por mín, ya lo sé, 
Porque toi é na 'gonía. 
Teño mal, y el mió dolor 
S' adormez co la fatiga: 
Adiós, que m' abraza 'l ánxel, 
Adiós ¡ probe madre mía !