*************************************************************

Benito Canella Meana

‘La fineza’

Fonte: 'Poesías selectas en dialecto asturiano'

***********************************************************************

LA FINEZA
 
   Qué curra va pa Cangues la Roxina 
Lluciendo so donaire y so guapura: 
—“¡Ai de ti! Si te pica una gafura
O triyes pel camín dalguna espina.
 
   Ve despacín, non andes tan aína, 
Que yendo yo contigo vas segura 
Y al miráme yo al par de to figura 
Meto la xente toa en golosina.
 
   ¡Ai, Roxina del alma! si yo fuera
Pela noche a to puerta y te picara,
La Roxa que yo quiero ¿qué me diera?”
 
De bon querer miróme la mio xoya,
Y con llengua de azúcare bien clara, 
—“To date, dixo, la meyor panoya”.