*********************************************************************+*
Tiadoru Cuesta:

"CUENTU DE XUNTU AL FUEU"

FONTE:


"POESÍAS SELECTAS EN DIALECTO ASTURIANO
(recopilación de Xosé Caveda reeditada y aumentada por Fermín Canella
en 1887)

Respétase la grafía orixinal.
***********************************************************************






"CUENTU DE XUNT' AL FUEU"

		___________________



(INTRODUCCIÓN).

 Muncho pueden gociar los siñorones
De tayaes fartucos y cevera ,
Tumbáos en blandinos almuhadones 
Sin trabayu que rompa la mollera ;
Pero más gozu ye cabar tarrones
Non faltando boroña na masera ;
Y apenes atapez oyer un cuentu
Sentau ente los fíos muy contentu .

	- "Acúrrete , Xuanín, crucia les pates ,
Non tomes el llar solu, ponte á un llau ,
Mira á ver si ya fierven les corbates
O si 'stá sosu 'l pote ó muy salau ;
¡Ximiélgate ! ¿ non quies ? anque te mates
Non prebes de boroña hoy un bucau ,
Y gracies á to güela allí sentada,
Non t' apurro por vagu una mocada ,
 "Enriestrai dos panoycs , rapazucos ,
Quitai á eses castañes los pelleyos ; 
Esfoyai dos docenes de tarucos
Y non vos picslle 'l suañu ya los güeyos :
¿ No 'stais viendo contentos , como cucos ,
Y sin apigazar homes más vieyos ?
Trabayai ó si non con dos civielles
Puede que vos caliente les costielles .

 " ¡ El diablu los pelgares ! siempre cháos
Faciendo sin cansar la manguanada ; 
Contentos solamente , espaviláos ,
Cuando van á coyer la so platada ;
Seriones por demás , enfocicáos ,
Pa que naide ios mande facer nada . . . 
Trabayái ó si non vereis quiciáes
Trocáse les fariñes en lloriáes .

 " ¿ Qué sacais de folgar? ¿ Hay meyor cosa
Que mirase la xente trabayando ,
Y non enguruyada, triste , uciosa ,
De fastidiu quedar apigazando ?
La xente que trabaya 'stá gozosa
Y el tiempu sin sentir se va colando ,
Si un home de saber y de memoria
Cunta con gracia verdadera historia .

 " Si contentos, magar cuece la cena ,
Aplicáos estáis en 'os lla bores ,
Una vos cuntaré de bona mena
Que yo oí rellatar á miós mayores ;
¡ Escuchalla d' afechu causa pena . . !
Hay batalles , trompetes y tambores.. !
Pero non trebeyeis . . . non quiero ruidu ,
Ye menester tener atentu oídu .
........................................
........................................