***************************************************************************** Títulu: El viaxe de los Reis, torna de Manuel Fernández de Castro de parte del capítulu 2 del Evanxeliu de S. Mateu Autor: - Fonte: Antoloxía de prosa bable Orixinal: http://books.google.es/books?id=ZRA0vyVNt8YC&pg=PA10&dq=bable&hl=es&sa=X&ei=sAdkVPWyI4WPPaqEgbgD&ved=0CCIQ6AEwAA#v=onepage&q=bable&f=false ***************************************************************************** Y desque nació Xesús en Belén de Xudá reinando Heróes, cata ‘quí q’ unos magos vinieron del oriente á Xerusalen. Entrugando: ¿Ú ‘sta ‘l nacíu rei de lo’xudíos? porque nosotros avistámos nel oriente la so ‘strella, y veniemos adorálu. Al oyer isto ‘l rei Heróes, quedóse ablucáu, y lo mesmo tóa Xerusalen. Y axuntando tóos los príncepes de lo’ sacerdotes, y á los escribas del puebu, entrugábayos ú nacería ‘l Cristu ó Mesíes. A lo que arrespuendieron-i illos: en Belen de Xudá: q’ ansina dexó ‘scrito ‘l profeta: Y tu Belén tierra de Xudá, miániques que non yes la más pequeña de les ciodáes princepales de Xudá: pos tú yes el llugar onde ha salir el caudiéllu, que rixa ‘l mió pueblu d’ Israel. Entós Heróes llamando pasiquín á los magos pescudó d’illos con cuidáu ‘l tiempu ‘n que se yos apareción la ‘strella: Y enveredándolos pa Belén, díxoyos: Dii, y pescudái bien lo q’hai d’ isi neñu: y dempués que lu afalléis, avisáime á min, pa dir yo tamién adorálu Lluego q’oyeron isto al rei, colaron: y cata ‘quí que la ‘strella, q’ habín avistáo nel oriente, diba afalándolos, fasta q’allugando so ‘l sitiu ú ‘staba ‘l niñín, aparóse. Al acolumbrar la ‘strella fuelgáronse perdafecho. Y enfilándose na casa, afallaron al niñín con María so ma, y afincándose de xinoyos adoráronlu, y destapáos sos cofres, ufrieron-i presentes d’oru, inciensu y mirra. Y arrecibiendo en sueños un avisu del cielu pa que non tornasen pa Heróes, entamaron pa so tierra per utru camín. Desq’illos colaron, un ánxel del Señor apareció en sueños á Xosé diciéndoi: Irguite, agarra ‘l niñín, y á so ma, y fuxe al Exitu, y ‘státe allí fasta que yo t’avise. Porq’ Heróes ha buscar al niñín pa matálu. Irguiéndose Xosé agarró al niñín y a so ma de noche: y fose pa Exitu. U’stevo fasta que morrió Heróes; y ansina se complió lo que dixo’l Señor pe’ la boca del profeta: Yo llamé d’Exitu al mió fíu. Manuel F. Castro 1861