***************************************************************************** Títulu: Cartas a Xico Autor: Manuel García Fonte: Testos en Llingua Asturiana N’el Progreso de Asturias de La Habana Orixinal: http://books.google.es/books?id=YG7iIOjbbd0C&pg=PA9&dq=Asturianu&hl=es&sa=X&ei=T03NU7DtE8it0QX52YDYDQ&ved=0CDgQ6AEwBTgo#v=onepage&q=Asturianu&f=false ***************************************************************************** Acordeme anque tardi de escribite pa cumplir la palabra que te di al despidime fai tres meses al venir pa la Bana; si non lo faci antes, al motivu ye que no tenía blanca y escocíame cambiar cinco o diez duros pa franquear una carta; “El dineru ye nidiu como un diantre y base como el agua”. Pero axunté por fin les seis perrines que cuesta el franqueala, y dixe ¡qué recoime! Voi arriesgame, facer una arrogancia. y anque dexe la fuma cuatro meses por mor de la tocarta o tenga que pasar unes semanes en sin tomar la parva, allá van seis perrines, pa que veyes que los que tan na Bana atropen el dinero como poxa y non sienten gastalo nin migaya. [...] Pa emprecipiar direte que gustome muchisimu la Bana, con sos cases blanquines y sos calles yanes como la palma y tan anches que caben pareaes cien carreñes sin ser emponderancia; gustarenme bramante los paseos onde lluce la palma so xentileza al solmenar el nientu la siempre verde rama. gustareneme les brises perezoses, gustome más que nada la galanura y la sin par belleza de la muyer cubana; y si non fora lo que ye, que tengo al otru llau del mar la mio rapaza dixerate una cosa a escuchiquines, más… non gorguto ¡mialma! porque diz un refrán que no entren mosques en boca bien pesllada… Pero ¡rediez! Yo estoy atocheciu De tanta xentileza y tanta gracia, tienen una carina como llechi y unos llabios talmente como grana, y unos güeyos que encienden al miralos fueu del amor dientro del alma. [...] Yo amorío al contemplar sus morbideces y dame regüeldos so mirada. Dispues tienen el habla tan melguera, tan suaviquina y guapa, que paez que traen un nieru de merbates metiu ena garganta; o que tiene gurdá diento del cuerpo faciendo gorgoritos daqué gaita. [...] Con una de estes nenes que te cuento acaeciome fai dis una allobada: andaba paseando embabeciu xiblando seliquin la “Soberana” cuando acolumbro pel paseu arriba venir una chabala; que más bien que muyer, a mí paeciome un angen o una xana, tala yera la sal con que movía aquel cuerpu modelu de elegancia, quixi echai una flor, siguiendo el usu que hay ena mio quintana y mal apenes se me ponxo a tiru dixíi: “Adiós, salada, solina y sin cencerru vas perdete, si fores a coyer a mio mayada!” Noramala pa mí; más me valiera Haber mexau na cama o que me hubiese esfarrapau un llobu o habeme derribao como una vaca; porque igual que si fuera una gafura cerraos los puños y encendidos los güeyos lo mismu que una brasa; y como un trapo de fregar cacía ponxome la muy… tala y hablome de mio madre ¡la probina! ella que ye una santa, contra mi revolviose la rapaza, que culpa tien de que yo sea un babayu y non sabía falar más que a mio usanza. [...] Dispués ya me enteré que en esta tierra interceten muy mal esta palabra y tomen muy a mal el que se i diga a una muyer “salada”. [...] Pero, basta, Xiquin, porque estoy viendo que va la cosa llarga, que non se te escaecía dar memories a todos los de mio casa; y si atopes camin de la “Fontana” quiciás la mio chabala. dirasi que la quiero más que nunca, que non puedo olvidala, que el cariñu que i tengo va aumentando col tiempu y la distancia y que sin so cancallu y sos falagos vivir non se me amaña; que empapiello al pensar que algún mozacu se ponga a xorrascala y como son tan floxes las muyeres me dexe a mi con la nariz de a cuarta y… adiós, Xico, memories a los nenos y a to muyer Rosaura; ya sabes onde tienes un amigu a quien puedes mandar con toa confianza con tal que non se trate de dineru nin cosa que valga. MANUEL GARCÍA Central “Andreita” (Cruces), Marzo de 1920.