*****************************************************************
Xosé Mª Flórez:


FARRUQUíN EL DE BUSECO

FONTE:



" POESÍAS SELECTAS EN DIALECTO ASTURIANO "
(recopilación de Xosé Caveda reeditada y aumentada por Fermín Canella
en 1887)

Respétase la grafía orixinal. El propiu Flórez alvierte de que la representación de la "l.l" ye difícil por variable. Equí nun la estrema del soníu representáu propiamente pola "ch".
********************************************************************



FARRUQUíN EL DE BUSECO.

ROMANCE.

 Amigu Pachu : El dumingu
Farán aiquí xuntu á Navia
Una de dous mil dimonius .
¡ Quién touvera bona panza !
 Ye el benditu de San Pedru ,
Ya la xente empechizada 
Estoucina gachus , chiebres , 
Que escuenden en impanadas .
Ya esfuechan cabras , xa ouvechas
Dende mediaus de simana ;
Ponen chacones á muechu,
Chiegan pecheyus pur cargas :
 Arroz ¡ Mal anu ! ya zúquiri
Sel que vien á manegadas ;
Tópanse los bochus brancus,
Cumu quien diz , á patadas .
 Ya guliendu el Samartin
Quies que torne para casa ! . .
Alcete el diablu por burru ;
Deixar tal chapacanada .
Pur escudicchas de cheite
Que cuemu ahí 'nesa braña ?
El suañas ou tas dispiertu ?
Antes que tal cousa faga
 Non quede machu na recua
Nin cabra chibre de sarna ,
La vaca moura s' enforque
Nin quede ouvecha na cuadra :
Párame tres fichus Pepa
De la primera vintrada ,
Ya nun nazga en ochu anus
Nin siquiera una tinrala .
 Deixa que riviente desta,
Cumu diz que morreu Marta ,
Ya dispués sirá outru día ,
Que Busecu nun se acaba . . .
 Xa á Téifarus , ou me topu ,
Chiega cada tufarada .
De Andés , las Córtes , Piñera ,
Vichainclán , la Culurada .
 Que queixera cien barrigas ,
Ya de uchenta la carpanta ,
Ya embutir en una tarde
Lu menus una cuitrala .
 Adious , Pachu : si nun morru
Desta qu' esperu panzada ,
Prometu vulver pur outra ,
Pa la Virxen de la Barca.