*********************************************************************+* Tiadoru Cuesta: "Barruntos d’Amor" FONTE: "Los nuevos bablistas" (1925) (Enrique García Rendueles) Respétase la grafía orixinal. *********************************************************************** BARRUNTOS D' AMOR LA PRESONA Ye domingo, y la borrina Que peñera I' alborada, De pérles cuayó les flores Qu' el sol en diamantes cambia. El fresquillín, envidiosu, Viendo galanura tanta, Al colar, á les más chusques Más les solmena... y escapa, Quiciáes triste azucena Díxoi, vertiendo una Ilágrima Pel suelo al mirar les xoyes Que son besinos del alba: «Al enfotu que yes soplu Y náide te ve la cara Y pintes enriba d' una Cuando más lloñe te suaña, Por eso mil ximelgones Nos dás á la traidorada, Que ye del ruin esmucíse Dimpués d' una ruín fazaña. Cuando Dios non te dió cuerpu Y pel monte y la cañada En xiblar pases los díes Cimentando la disgracia; Quien gomitando llacéries Más s' encrespa, y non se farta De bastiár aquí un carbayu Y acullá un roble ó una faya Ó bien esboroña un horro Qu' á más d' un probe estrapalla, Sin que dexe nos teyáos Nin barruntu de bufarda; Y perdañible, rabiósu Cuélase per la furáca Ó resquiciu más pequeño De palacióte ó cabaña: Y anaína qu' el candil Ximielga, añica y apaga, Sin perdonar calavía Nin gónciu 'n puerte ó ventana, De coraxe, bufa, xibla, Berra, grita, xime, canta, Ríe, mengua, crez, sospira, Tueye, esñiza y esfarrapa Cuanto atopa, y á sí mesmu Nel revexín s' asonsaña, Apavoriando la xente 0Fasta qu' el Siñor lu amansa, ¿Qué muncho, que de min, probe, Faiga burla, quien á gala Tien el arrincar sospiros De lo más fondo del alma ? Bon testigo 'l marinero... Qu' al vés' en lixera barca Pide á Dios llene sos redes Y lu Ilibre de to garra; Pos sabe que tu y la güestia Seis de la mesma baraxa, Y más grande ye 'I antroxu Si más siega la gadaña. ¡ Probitín ! cuando á la vera Se mira de la ñerada De mil doraínos peces, Y ya vé co la ganancia A Pín con montera nueva Que dir pa la escuela 'ntama, Y á Rosina con madreñes Que tiritaba descalza ... ! Cuando fixu 'l pensamieutu Tien en so Rita adorada, L' amorosa compañera Que ya lu aspera na playa... ¡ Probín ! cuando pergozósu Con aquel dineru suaña Mercar cevera, y fartúcos Ver los sos fíos del alma, Vienes tú... y en remolinu, Aventando al cielo 'l agua, Mil serpientes semeyando Perengrifáes de rabia, Éches-í la zancanía, Y el triste non güelve á casa.» ¿ Pero, viésteis, hom? ¡ Nin pizca S' atopa 'n mi de sostancia ! ¿ Quién me dixo que les roses Pueden gorgutar palabra Porqu' enrieador, el soplu, Les añique cuando pasa ? ¿ Tíenen llengua y sentimientu ? ¿Quiciáes s' escuende un' alma Naquel botoncín tan nídiu Que ñeru ye de fragancia ? ¿ Qué ye una flor ? Pa 'l incrédulu, Cuatro fueyiquines, nada ! Pa 'l cristianu, maravía, Qu' al mirar á Dios alaba. Oyéi si non: ya la rosa Quier escogolláse ufana, Y entós la boca d' un ánxel Se ve nella retratada. Piésllase cuando la lluna Con sos rayos l' afalaga, Y al besalla 'l sol, dispierta Más chusca y zaragozana. Yo la ví coloradina Mirando al cielo na planta, Y mústiga desfoyáse Acabante d' arrincála. Lluego sí morrió, vivía... . Y sacamos en sostancia Que bien pudo l' azucena Del sóplu quexáse amarga. II Dixe que yera domingo; Y el sol, lluciendo sos galas, D' oro víste cuanto alluma Pos maxestuósu resplándia. Alegre, na carbayera, Gorgolita la calandria, Y el xilguerín dexa el ñeru Piándo de rama en rama. Esnídiase marmullando Del río muy sél' el agua, Y al colás' ente los xuncos Mil filos se fai de plata. Lloñe, muy lloñe, un punteru Dexa oyer triste tocata Que del monte, no más pruno El ecu fiel asonsaña. Trái el vientu persurosu El tín, tán, de la campana, Y á carrenderes pa misa Va la xente aforfugada; Pel atayu la reciella, Que de blincar non se cansa, Y pel camín rial los vieyos Pos les canes piden calma. Ye de la Virxen del Carmen La fiesta, y en 'a quintana Hay romería... ¡qué gusto ! Sin faltar tambor y gaita. La mocedá del conceyu So ropa lluz hoy más maja, Y hay camisa, que la nieve Envidiáse po lo blanca. Non hay sin ramu montera, Nin sin corales garganta, Nin dengue sin terciopelu, Nin calzón sin botonada. Cada neña, po lo chusca Y les faiciones de cara, Golviés' tochu al mesmo Xuno Si en tientes quixés' miralla. En ringla se ven cien goxes Co la fruta más preciada, Y palombines de dulce De les d' á tres por pataca. Rosquíes y casadielles Hay á rabiar, y non falta La tableta tan sabrosa De güevu, zúcare y pástia. Nueces, ablanes y prunos De los que arrinquen güeyada, Al tarazar el pelleyu, Vénse allí con abondancia. En paxos, sobre felechos De verde festón, que plasma, Por ser llabor de natura Sin filu, seda, nin trama, A semeyu de castiellu Que na llomba se llevanta, Guindes se ven garrafales Y la cereza llaviana, Que refresca el cañaveru Cuando al estómadu abaxa. ¡ Y figos ! ¡ válgame 'l cielu ! Escurro que cuadró añada Pos hay peste, y, por un cuartu, El más famientu se farta, Isti año ye puro almibare La fruta, si la ruciada, Que vierte al fuxir la noche Non la engúrria y arregalla. Enriba mesmo d' un sucu Y de laurel ente rama Que pinga d' unes esquirpies De dosel á semeyanza, Un tonel de rica sidra Fachendosu allí s' afaya, Que pa 'l secañu y lasede Ye melecina probada. ¡ Sidra !... remediu devinu Qu' al mortal la vida allarga, Y troc' al primer sorbiatu La señalda 'n dolce calma. III Ya pe los aires los cuetes Restrallen, y de la gaita S' escucha alegre' el toquíu Y el redoblar de la caxa. La xente sal de la iglesia Formando corros na campa, Y al son d' una zanfonía Lixeru baile s' entama. Como ye mayor el gozu De lo que resist' el alma, Un ijuju, á cada güelta Lláncia el mozu pa calmalla Polvorientos y sudosos Corcóbien ena mudancia, Y anqu' el astru enciende yesca Nengún de bailar se cansa. Pero, amigu, cansó el ciegu... Y cad' un con so rapaza, Enxaretando refranes Que falen lo qu' utru calla, Del sol fuxendo los rayos Qu' un tapin amagostara, Debaxo del roble añosu Cobíxase la ñerada. Solo Lín de Blas, el Tiesu, Triste y doliósu s' afaya ! Busca y non topa la neña Qu' adora con vida y alma, ¿Cómo non ? si más melguera, Atropadina y galana, Non trió moza isti suelu Que de fermoses tien fama ? ¡ Ay ! cuantu tiempu sospira Por la que d' amor s' abrasa, En la que piensa de día, Co la que de noche suaña. El, com' un fusu derechu, Con más fuelgu, fuerza y alma Que cuantos llimen costielles Y dan berrides na danza, Non pieslla güeyu, sospira, Y foz, garabatu y pala, Como los demás preséos, Dexa na mayor folgancía. U quiera mira, la imaxen Vé de so prenda adorada, Y atapéz llorando penes Cual triste lu atopa 'l alba. Y tien razón en querélla; Pos non s' escuende una xana En 'a fonte marmurante, Nin tan nidia, nin tan blanca. Voi facevos so retratu Pa que podiáis estremalla, Si entremecía ente cientu Esta xoya s' afayára. Candela lleva por nome; Ye cantando una calándria, Y, al ríse, el coral s' estrema Que perles muy riques guarda. ¿Viésteis, dacuando, 'n altura, El rebulliciu que s' arma Xugando á les cuatro esquines Les estrelles sin parada ? ¿Non les viésteis dar calones, Rellumando con más ánsia, Y trocar miles de sitiu Primero qu' un gallu canta ? Pos escurro, qu' una noche, Que f6 mayor la bullanga, Dos, á la tierra baxaron Cuando nació la sultana Y entrambes regocixáes, Tal portentu al ver y gracia, Dixeron... < cielu por cielu, Quedémonos en so cara.» Y en sos güeyos desd' entoncies Les fuxitíves, morada Alcontraron, Iluz vertiendo Como 'l llucerín del alba. Cuando suelta la guedeya, Si aporta 'l sol allumalla, Madexes d' oro bruñíes Ródien-i pechu y espalda. Frente pura, nariz fina; Un pocíquín ena barba, Una cereza por boca Y de nieve la garganta. Airosa, xentil, derecha, Lixera, chusca, espigada, Dos patinos com' arándonos; Y un andar sin triar nada. Retratu fiel, facer quixé... Pero emborroné la estampa, Pos ye¨l pintor tan paletu Como ella graciosa y guapa. ¿Qué muncho, qu' el probe mozu De la noche á la mañana Un llabor fáiga, que preste, Y non pigace migaya ? ¿ Mas qué-i asocede agora ? ¿ Por qué los bardiales salta, Y non lu torna portiella Y un alegre íjujú lláncia ? Pos ye, porqu' el so tesoru, La so xoya idolotrada, Por quien vive, por quien pena, Más que nunca, chusca y maja, Añándose melguerina, Com' azucena na planta, Ya vé colar pe la ería De la Campera cercana. Siente reblincái nel pechu El corazón al miralla; Y en dos gálamos, qu' el galgu, Que cuerre liebre, envidiára, Afayós' en so presencia, Pero l' probitín tremblaba, Y, gasayosu y homilde, Empapiellando, ansí i fala. IV -Si esa presona quixera D' isti carbayu á la vera, Les miós cuites escuchar, Tal d' ello me folgaría, Qu' escurro qu' el alma mía Trócara 'n gusto 'l penar. Si como la más fermosa, Falatible y amorósa Quixo facét' el Siñor, Barrunto, mió rapacina, Me darás la melecina Que cura males d' amor. Esta presona, qu' ufana Alegraba la quintana Co 'l uno y el utru son, Agora triste sospira Y 'n esa presona mira Lo qu' alampia el corazón. ¡ Oh, neña ! Dios Soberanu, Pa qu' isti pueblu asturianu Se plasmás' del so poder, Folgós' en féte tan bella, Que ya ví más d' una estrella Fuxir to hermosur' al ver, Y si la lluna platiada, De tos gracies enoxada, Más d´una vez s' esmució, Tan chusc' al véte y melguera, ¿ Qué muncho que la mollera, Mirándote, pierda yo ? Si cantes, ena espesura, Al oyer tanta dolzura, Empapiella el paxarín; Y á to presencia, celosa, Pinga del tallu la rosa Siendo reina del xardin. E-nés files y esfoyáces, Con tortóriu les rapáces Te miren ¡ hay ! ¿ cómo non, Sabiendo que nel conceyu, Probe, ricu, mozu ó vieyu Todos tus esclavos son ? Y ente trebeyos y bulla, Al repartir la garulla, Escuéyente lo meyor, Y al colar pe la caleya, Non falta quien á la oreya Quexes mermure d' amor. ¡ Ay ! bien sé que mió queréncia Pa esa presona en concencia Ye poco, pos probe soy; ¡ Oh ! si amor riqueza fora, Non l' habría más siñora, Queriéndome tú, desd' hoy. D' un reinu cetru y corona Dar quixera á esa presona Si 'I dallo estuviés' en mí; ¿ Pero un alma namorada, Non ye xoya tan preciada Com' una corona ? Sí. El alma, de Dios fechura, Más estima, si está pura, Ante sos güeyos tendrá. Ténlo, neña, 'na memoria, El alma esnala á la gloria Y el diamante queda acá. Agora, rosa temprana, Más nidia y zaragozana Que cuantes crió 'l Siñor, Sé conmigo amorosina Dándome la melecina Que cura males d' amor. Alma, vida, fuelgu, alientu, A tos pies dexo contentu, Esclavu soy... reina tú ! Dáme la fuxida calma, Y dí, si llanciará 'l alma Un sospíru ó un ijujú. Calló 'l galán y la neña, Que con boca más pequeña Nunca pintor la suañó, Mirólu 'n tientes bondósa, Y, apenadina y dolióisa, D' aquisti modu i faló. V -Mira, Lín; miós pocos años Llacéries y desengaños Llogren escorrer de mí... Non m' esmuelguen los cuidáos, Y ente miós padres amáos Agasayada crecí. Xures que t' arrobé 'l alma Y qu' el repósu y la calma De tí fuxó muncho-yá... Non, mialmina, Dios del cielu, Paz, alegría y consuelo En to pecho añerará. De la vida en la mañana M' afeguro la quintana Paraíso,., cielu,.. sí; Anque si fora preciso Diría qu' el paraíso Triste atopara en sin tí. Anque la boca callaba, Tos cuites aldivinaba Pos llengües los güeyos son, Qu' al miráme me cuntaben Les penes que s' allugaben En to probe corazón. Y viéndote atristayáu, Flacu, desmanganiyáu, Pe la mió casa rondar, ¡ Cuantes veces les mexelles Enxugaba á escondidielles Fartuquina de llorar !. Non sé si Cupido, arteru, D' amor me fincó 'l obleru, De llacéries manancial... Si ye amor, del pensamientu Non t' olvidar un momentu, ¡ Ay de mi ! sofro isi mal. Yo tamién, monte y ería Al mesmu esclucar del día Semeyando al paxarín, Alegré con mios canciones,.. Y hoy, si canto, tristes sones Arrinco del alma, Lín. To nome, na noch' escura M' afeguro que mermura El soplu suave al colar... ¿Qué yé 'sto ? ¿por qué sospiro Y si cerquina te miro Prúyeme rir y llorar ? Si aporta qu' utra rapaza D' enquillotráte pon traza Y tú te dexes querer, El corazón apenadu, Llate triste, aforfugadu, Y entós quixera morrer. Isti mal, esta Ilacéria, Que tanto abluca y alteria Como tueye de dolor, Con tristeces y alegríes, Qu' á l' alma cuelen mecíes, ¿ Qué nome tien, Lín ? -¡ Amor ¡ Amor, sí; reina querida; Amor que con alma y vida Nel altar te xuraré, Y siempre de mi, á la vera, Serás mi fiel compañera Y en tos güeyos me veré. Serás mió dicha y consuelo, Enfótu, tesoru y cielu Y verás, mediante Dios, Cómo, ente paz y alegría, Un ¿ juasús ? non dura 'l día Que vimos riscar los dos. ¿Quiérote y quiesme ? Corriente... . Muy Iluego sabrá la xente Que Lín, de Candela yé; Pos mañana mesmo, céo, A' to pá, nostru deseo De casamos, cuntaré. Trabayador, nuevu y sanu, Non falta 'n mió casa granu Y 'n á cubil un gochín; Y anque más probe que ricu, Pa qu' untes bien el focieu Non te faltará tocín. La mazana coyerémos Y dulce sidra farémos Que será gloria beber, Xuntiquinos, nel escañu, Cabo 'l fuegu, si 'I secañu Nos la fái apetecer. Y agora, ten de mió mano Isti ramiquín, qu' ufano Ena montera llucí; Siempre-vives, que barrunten Que dos almes hoy se xunten Con amor eternu... sí. Non lu pongas, sin besallu, Nel dengue, qu' afalagallu Como testigu meréz, Y sean nostros amores Tan firmes como eses flores Que non merma la veyéz. ¡ Ay ! benditu sea isti día, La Virxen, la romería Del Cármen y so función !,.. Nunca t' olvides, mió cielu Qu' en ella, con grande anhelu T' entregué mió corazón. IV Ya tapeció,.. ya la lluna Úmbia sos rayos de plata, Y solitariu 'stá 'l valle Triste y desierta la Campa. Lo qu' ha pocu, formigueru Fó de xente que danzaba Y al son de la Madalena Non dexó de tapín traza, Un campusantu asemeya Qu' el corazón atristaya, Con el ¡ hay ! que finx' el soplu Al colar de ram' en rama. Sólo á lo lexos... muy... lexos,.. Revoltiada la montaña Dalgún ijujú s' escucha Y el gargolar de la gaita. Los romeros fartuquinos De gociar, cuerren pa casa Qu' el llabor del aldeanu Escomienza con el alba. Solamente una parexa Non tien prisa, nin se farta De decíse mil tenreces Qu' amor por sos llengües fala. Mas como todo na vida Bono y malo al postre acaba, Finó 'l camln y alcontróse Nel ñeru de la rapaza. Y allí, mirándos' en tientes, Los brazos fechos Ilazada, Co los güeyos llagrimosos, Tocando cara con cara,. Tan baxino, qu' un sospiru, Po lo séle, asemeyaba, DÍxoí Lín, ent' empapiellos, Y saborgando una Ilágrima: -¿ Xures queréme ? -Lo xuro. -¿ Serásme fiel ? -¡ Soy cristiana ! -Bien faláo, to rimpuesta Ye de vertú preba clara, -Adiós... non m' olvides, reina, -To imáxen va 'n mió Ilancada, -Fala con mió pá. -Farélo. -Dúrmi bien. -Adiós, mi alma. Un mes non percolaría Cuando alegre, na quintana, «Vivan los novios >, la xente, A voz en gritu glayaba. Diba de Lín á la vera Fachendosa Candelaria, Y él, mirándos' en sos güeyos, Pintadu 'l gozu en so cara, D' entós pa cá, ye costume, Ente galán y rapaza, Concertar el matrimonio D' aquél Santuariu na Campa.