*************************************************************
Pepín de Pría.

"Armonías de la Quintana"

FONTE:

Armonías de la Quintana (*)


Respétase la grafía orixinal.

**********************************************************************


De magar, que cuerri, cuerri,
ando´l mundiu; de magar
qu´escucho nilli cantidos,
los que más gracia mi fan 
son los vuestros, les tonades 
que vos oyí, q'ascuchar 
tocómi un poco una nuiche 
que n'escaeci 'nxamás. 
¡Qué vocines! ¡Qué tenreces! 
¡Y qué dolce ' l  redoblar 
de los vuestros campaninos 
que tenés en pasapán...! 
¡Cantade compañerines 
dolces del alma, cantá! 
Les cuerdes de la garganta 
sonen a oru y cristal.
Pónxoles Dios a los ánxeles 
pa que pudieren cantar, 
y pónxoles a les neñes 
que son ánxeles d'acá 
y canten como les perles 
al cayer del manancial, 
na barcalina de plata 
nu vase´ l sol amirar... 
y como la paxarina 
cuando añera nun rosal 
mentres igua la posada 
a los fiyinos pondrá.
Cantade, compañerines, 
cuantu podaes cantar: 
que si Dios nos da allegría 
Dios bien sabe lo que fai.
Dichosines les que canten 
y non tienen qué llorar 
y dichosos de los padres 
q'ascuchándoles están.
Anxel, neña, paxarina 
canta si puedes cantar, 
que l 'oración que va 'l cielu
nun cantidu gusta más;
y fasta'l mesmu San Pedru 
cuando 'scucha una toná 
echando al aire la calva 
pruye-y ponese a bailar.
Tamién canté yo fai tiempu 
cuantu pudi y daqué más: 
cada vez que canto agora 
danmi ganes de llorar... 
y to qu'echar una toná 
y fai tiempu que pa' l  casu 
la mio garganta non val...
Cantade, compañerines
dolces del alma, cantá,
ya que tan bien lo facedes
y ayudádemi a cantar.