Indiz / Entamu/ Los llibros de l'alcordanza/Ficha didáutica /Escoyeta de llibros/Llibru estrella /El rinconín de los suaños/Entrevista /Música

Música

La Ñube los Suaños quier presentavos dalgunos cancios pa cantalos colos vuesos collacios, con pá, con ma, col vecín del quinto, con esi gua.he que nun dexa meter el dedu nes ñaples pa sacar bolines...
De xuru,que la lletra conozla fasta la vuesa güela porque son cancios de la tradición musical asturiana recoyíos munchos d'ellos del cancioneru musical d'Eduardo Martínez Torner.
Los que canten son los neños de los colexos públicos de Lieres y Sariegu y pa que-yos salga tan bien tienen qu'ensayar dos hores a la selmana, faciendo siempre casu al so direutor, el maestru X. Ignaciu Fonseca.
Fai yá quince años, Fonseca taba dando clases de música en Porrua y foi ellí onde tuvo la idega d'entamar a escribir cancios pa los sos escolinos pa poder asina averalos a la llingua asturiana. El grupu llamóse Seliquín y grabaron un discu cola Fonografía Asturiana que se tituló "Seliquín cancios pa neños".
Llueu en Lieres onde entovía sigue dando clases,formó'l grupu Xentiquina col que grabó: "Cancios de Xentiquina", "Yera la princesa d'un país" y "Llambionaes".

La lletra los discos podéis atopala nos llibros qu'apaecen darréu:

Seliquín cancios pa neños. Academia de la Llingua Asturiana.Col.Escolín 26,1986
Cancios de Xentiquina.Academia de la Llingua Asturiana.Col.Escolín 37,1988
Yera la princesa d'un país.Academia de la Llingua Asturiana.Col.Escolín 45,1990
Lambionaes.Fonografía Asturiana.1994
Cantares vieyos... voces nueves. Academia de la Llingua Asturiana. 1999
Cantares vieyos... voces nueves. Academia de la Llingua Asturiana. 2001

¡QUE VOS PRESTE!

VAQUEIRAS

El señor cura nun bail.la,
porque diz que tien corona,
bail.le señor cura,bail.le,
que Dios tou lo perdona.

La gracia qu'hai pa cantare
nin se compra,nin s'arrienda,
dala Dios a aquel que quier
y a mi deixóume ensin el.la.

todos vienen a mirare
cómo bail.lan las vaqueiras,
son tan bonas pa bail.lare
como las perexileiras.

TENGO TRES CABRITINES

Tengo tres cabritines,
ai,reme,remendé,
arriba na montaña,
ai,reme, remendé,
arriba na montaña,
aire,aire.

Una dame lleche,
ai,reme,remendé,
otra dame la llana
ai,reme,remendé,
otra dame la llana,
aire,aire.

Otra dame mantega,
ai,reme, remendé,
pa toa la semana,
ai,reme,remendé,
pa toa la semana,
aire,aire.

SEÑOR SAN XUAN

Señor San Xuan,
güei ye la nueche del señor San Xuan
viva la danza y los que nella tán,
señor San Xuan.

Señor San Xuan,
yá na foguera nun hai qué quemar,
viva la danza y los que nella tán,
señor San Xuan.

Señor San Xuan,
yá les estrelles a metese van,
viva la danza y los que nella tán,
señor San Xuan.

RÍU VERDE

Ríu verde, ríu verde
ríu de tantos colores,
tantos como lleva'l ríu,
tantos son los mios amores.

Que salga la dama,
que salga a baillar,
que salga la dama,
col so capitán.
Col so capitán,
col so coronel,
que salga la dama,
que la quiero ver.

Que me digan que sí,
que me digan que non,
la mio morenina
cortéxola yo.
Cortéxola yo,
téola cortexar,
la mio morenina
dexó de baillar.

CASÓSE MARUXA

Escuchen la hestoria
que voi a cuntar.
Casóse Maruxa,
casóse con Xuan.
Él fai lo de casa
féliz y contentu,
él fai'l formientu,
él amasa'l pan
nun hai home en mundu
más buenu que Xuan.

Toes les vecines
faluquen de Xuan,
eso son envidies
y ganes de falar,
ai,mio Xuan del alma
tu nun faigas casu,
nun salgas del pasu
pol qué te dirán.
Nun hai home en mundu
más buenu que Xuan.

FUE'L MIO XUAN A UVIÉU

Fue'l mio Xuan a Uviéu
dio-y l'aire en culu
mia qué llueu vieno,
agora non,
agora non, mio neñu,
agora non.

Palombina blanca
vistida de negro
yá ta'l padre en casa,
agora non,
agora non,mio neñu,
agora non.

alagueta@telecable.es

Indiz / Entamu/ Los llibros de l'alcordanza/Ficha didáutica /Escoyeta de llibros

Llibru estrella /El rinconín de los suaños/Entrevista