************************************************************* D. Valentín Andrés Álvarez: "La paxarina" FONTE: "Lliteratura asturiana nel tiempu" (1994) (Antón García) *************************************************************** Graciosa y pequeñina, más guapa qu´una xana taba siempre Rosina, como una paxarina, cantando na quintana. Desque´l Sol apagando diba las estrellinas y el alba escomenzando, yá taba ella cantando como las paxarinas. Ya enfermó ¡probí! un día qu´huyendo de los xelus los páxaros qu´oyía llevaron l´allegría volando pa outros cielus. El cantu entristecíu cuando-y vienu aquel mal somiaba´l píu píu d´un paxarín heríu metíu nel nial. Ya cola sonrisina un día de gran duelu, la pálida Rosina, como una paxarina, subióu volando al cielu.