*************************************************************

D. Amable González Abín.:

"Pe´l mio llugar"


FONTE:

"Los nuevos bablistas" (1925)
(Enrique García Rendueles)


Respétase la grafía orixinal.

***********************************************************************

                  
		Versos que bien se llamben,
	        porque sueltos están.

		Cómo alegra ' l golver al pueblu hermosu
		Onde, cuando inocente, unu xugaba,
            	Ñeros pillando aquí, frutas allendi,
		Tru has pescando'n ríu cristalinu
          	Que dexa ver el griju de la madre,
		Y anda aquí jolgazán, allá entaína;
                Tan prestu Ileva piedras, retoriando
         	Como las jueyas que el oral esmena,
        	O ya remansa xunt' á duras peñes.
		Dempués se 'sgarma, en saltu caprichosu,                               Jac endo en jondos pozos blanca espuma,
          	Cerquinos que s' enanchan perezosos,
                Jolinas, gorgolitos y jirvores.
		Más alluendi en pimplón corre lixeru
		Y dando un calumbón se precipita,
         	Diendo dempués per baxu verdes toldes,
		Bañando las veguinas de olorosa
		Manzanilla, poleu, verbena, xunclos,
		Tumillu, clavelinas, espadañas,
		Y otra porción d' herbatos diferentes.
		Recollendo de juentes y de riegas
		El preciosu caudal, jállase lluego
        	Co' las presas de praos y molinos
		Que á la juercia lu tuercen pa los calces;
		Y elli rabiáu y de coraxe Ilenu,
		Ruxendo altivu, per sobr' ellas brinca,
		Bordando rica  tela  nacarada;
		Jastas' á que cansau de las regüeltas
		Se 'amucia al cabu pe' las cuevas jondas
	        Ó per ente las piedras y cascayu, 
                Y súmese 'n 'a mar siempre sedienta.
	        Vense sin fin de truchas, pintas, roxas,
                Que 'l blancu pechu ensiñan cuando saltan,
                Enredando y buscando aire y mosquitos,
                Y dan de llombu sobre 'l agua amiga.
                Cuando á l' oriella están en secu casi, 
                Quietas, tomando el sol, y ven á algunu, 
                Prienden  á 'scape al conocíu asilu 
                De piedras, cuevas ó raízada espesa, 
                Mas aprisa que flechas disparadas.
                El hombre al velas en rapaz se torna, 
                Remángase hasta 'l codu y la rodilla 
                Y entra á pescar así; cumple 'l antoxu,
                Sin reparar en que la edá y el xuiciu 
                Á llabores más graves lu destinan.
                Arma el butrón; con llávanas menudas 
                Al par llevanta la jorcada presa; 
                Trabaya co' l xurgón y la palanca, 
                Y al fragor de los recios xurgonazos 
                Y al  truquiar de las piedras que regüelve, 
                Tal miedu las probinas truchas cobran,
                Que van llocas y ciegas á metese
	        En 'a 'lcarcel de brimbias, n' 'a traidora,
                Nasa que á so elementu las arrinca,
                Jaciéndoios convulsas retorcese.
                O' ya, baxu las piedras, á la mano
                Que lluego las estruya  y aprisiona,
                Consienten que las pula y las jalague,
                Como mansas y dóciles corderas.
                Tamién á l' oriellina en pedregales 
                Viven  muy descudiadas las anguilas, 
                Y aunque 'spulen 'n 'a mano pescadora, 
                Con tiseras dentadas se sujetan, 
                Y en vanu ellas se enroscan y retuercen, 
                Puxando por burllar tan fiera maña.
                Más tou no e divirsión, pes casi siempre 
                Píllase moyadura soberana, 
                Xustificando 'l dichu de que á ensuchas
                Bragas xamás pescárense las truchas.