***********************************************************************
Ángel de la Moría:

"AL CARROCÉU"


FONTE:

"POESÍAS SELECTAS EN DIALECTO ASTURIANO", edición de Xosé Caveda
 y Fermín Canella, 1887.
***********************************************************************

AL "CARROCEDO".



 Llagrimina de Dios , rapaz parlleru ,
Enriador y espumósu gorgoritu ,
Gotera d'un llagar del infinitu ,
Sorbiquín corredor y bullangueru .
 Siempre rebizcador y gayasperu
Lixeru y blincador como un cabritu
Que sin mieu al escayu ú al espitu
Abaxas dend' el mont' hasta 'l Riberu !
 ¿ Qué música e meyor que tó mormullu ?
¿ Qué cánticu hay igual á tó sormiella ?
Yo q' aborrezo 'l mundanal barullu
Y to so 'l corazón dura postiella ,
Solu me queda 'l placenter' orgullu
D' haber nacíu á to floriada oriella .