LA LLANGREANA 
Ye una moza guapina, engañadora, 
la que vemos lus llunes dir a Sama 
y tien en too Asturies muncha fama 
de ser bondosa, fiel, trabayadora. 
Lo mesmu carbonera qu'aguaora 
o lo qu'otru llabor cualquier entama, 
yá sea de criá, yá sea d'ama, 
ha paecete siempre encantadora. 
Vesla pasar garbosa, gayaspera, 
golviendo a munchus lloca la mollera 
cuandu crucia les calles tan xentil; 
quedandu los probinos anaguandu, 
al mirala que pasa ximielgandu 
con tantu aire y gracia so mandil. 
                                               (1915)