************************************************************* Bruno Cepeda: "Felicitación d'unos díes" FONTE: "POESÍAS SELECTAS EN DIALECTO ASTURIANO" (recopilación de Xosé Caveda reeditada y aumentada por Fermín Canella en 1887) Respétase la grafía orixinal, asina como los títulos y comentarios en castellanu. ******************************************************************* FELICITACIÓN DE UNOS DÍAS. ROMANCE En un de los dis de_Mayu , Allá cuandu la ñeblina Pe la tardi roba al sol La lluz y bravor del día , M ' empoviné baraxando Acá en mió maxinativa , Doscientes mil fantasíes Hacia la fuente sabida Al soslayu del pingón De Sorribes . Y hé aqui pinta , Q ' habiéndome echado á pechos Un bon tragu pe la espicha , Comenzó á dame el pigazu . Cargando dempués á prisa EL sueñu que da Morfeu Y la bona Proserpina . Sin saber ya donde estaba Tendido como una pipa , Sobre una llastra quedéme Fechu un ' ánima bendita . Lluegu empecé entre resuellos , Asperezos y cruxía , Ya puestu pámpana abaxu Ya puestu pampana arriba , Restallándome los güesos, Molidu coma cecina , A ver d ' Arxel les prisiones , La Xiralda de Sevilla , El Pulgatorio y el Limbu , Cartaxena y so badía , Con otres dos mil visiones Que forma la fantasía . Entre aquestos espilfarros Dí con toda l' alma mía En Madril . Entré ( q ' el sueñu Nunca gasta cortesía Nin miramientos , ) per un Cuartu entresuelu que mira Frente á la fuente que llamen , Según me dixo una tía , La de la Puerta de Moros Esquina á las Tarbenillas . Oh ! como acude la man A donde el quexal i grita ! Ñaide vi, ñaide me vió ; Conque pudo la mió vista Arreparar bien les coses . Que pol someráu había . Vi sielles , vi requilorios , Restrones , y que d' arriba Abaxu colgaben llenzos , De seda coloradina , Y santos pe les paredes , Y sobre una mesiquina Un espeyu relluciente Claru como la fontica . Vi también un sabanón O manta de llana fina , Pintarraxada de Flores Que todu el suelu cubría Vi tayueles y un escañu Con almuades per encima ; Vi xarros y unos botixos Con agua que parecía fechu de xabón y xelos ; Otra yera como tinta , Cuando se vuelve vermeya ; Y sobre una maserica ..... ¡ Qué fuentades de vizcuechos ! ¡ Qué fruta en dulce cocía ! ¡ Qué rosques con perexil , Y qué tanta la rosquía ! Vueltu entoncia pal mió sayu Hacia mi mismu decía : ¿ Esto, Señor , qué será? Esta casa curiosina , De quién diaños podrá ser ? ¿ Pa quién será esta comida ? Ansina pensaba yo Allá en mió maxinativa , Cuando entra , sin saber como , Por aquella sala misma El Mió queridu compadre Yo lu miro y él me mira Quedé del llance ablucadu , El también se queda ansina , Y sin falamos palabra , El unu al otru se tira , Y á brazos nos apertamos Alma , corazón y crisma . Entoncia tienru me dixo -" Don Bruno, ¿ Cómo en Madril ? ¿Esto he verdá ó ye mentira ?" - " Amigu, i arrespondí , Ciertu ye por dicha mía : Siempre pensé velu acá Y ñunca se componía . Más gracies á Dios , q' estamos Todos aquí , voto á cribas ! ¿Y qué casa ye esta , amigu ? " Dixo : -"La de mió familia ". -" ¿ Y esti tren?" - Hoy celebramos Los dias de Santa Rita" . - "Voto y ño a tal ! q' he verdá. ¡ Xesús, qué fortuna mía ! ¿ Quién lo creyera, mió Dios, Que yo viniera en tal día ? " Entre aquestes y otres coses Entra Antonín , y mió vista Tanta ñovedá i causó , Que el probequín l 'alegría Tornó en llágrimes de gozu , Y poniendo en min la vista Mirándome todu en tientes , saltando por min decía: -" Señor, ¿ vusté ?..non lo creo , ¿ Ye Don Bruno de la villa Que me enseñaba los santos En casa de mió güelina ? Deme una abrazu por Dios... ¿ Non quierver la mió altarina Y el nacimientu de barru , Y la ciudá pequeñina ? Muncho i tengo q' enseñar ; Nin de noche nin de día Me voy de xunto a vusté . Hemos falar de la villa , Del paseu de San Xuan , De mió tíu y de mió tía ; Y ha componeme la fiesta , Y gobernar mió altarina . . . Xesús ! ¿ vusté en mió casa ? Non creí velu en mió . El que sepia solliviar Una fala tan sencilla , Piense si yo de entendella Satisfechu quedaría . En tantu bien al reclamu , So madre .... ( Dios la bendiga) , Con aquellos güeyos guapos , Con so cara d' alegría , Falatible como siempre Y como siempre sencilla . Al veme al frente plasmó Y toda clla enternecida , ( Porque toda ye bondá , Toda entrañes y caricia) , Gomitandu el corazón , Pe la curiosa rendixa De so boca de coral , Iba á faláme expresiva... Y en aquesto y cuando yo Prevenía mió retaíla Pa saludála cortés , Y agradecei la acoxida , Por arte de barrabiellu Dióme un torzón de barriga . Y desperté é na mió llastra Mirando la lluz del día ... ¡ Que ño hay dicha, ñi aun soñada , Que sea dicha cumplida !