************************************************************* D. Teodoro Cuesta Charada FONTE: "Dellos poemes más" (1995) (Academia de la Llingua Asturiana) Respétase la grafía orixinal. *********************************************************************** Tercera y cuarta en Abuli asomau á la ventana atisba con tou cudiau al probe primera y cuarta. Isti sentáu curiosín sin falar una palabra non quita güeyu á un lladrón que llamen segunda y cuarta. Tampocu isti yera fatu, porque non sal de só casa anque i den llonganiza, ó quesu, ó tocín, ó grasa. El degorriu que non para nin siquiera una migaya quixo quitái al manguan el gusto de que gusmiara. Asi fó; salio una vieya: yera `l ama de la casa, y topando al probitin q' al lladronzucu atisbaba desféxoi la rabadiella con tercia y segunda llarga. Salió `ntoncies el lladrón que `scapase non cuntaba y ensiñando so presona se pasió pe la corráa. Entoncies busco so tóo el que ´staba ´na ventana y tirándoilu l´ manguan mas que con tinu, con rabia, en vez de pegái al utru dioi a la vieya na´espalda. Clavóilu de tal manera que la sangre i arrollaba per el pelleyu arrugau como pel regueru ´l agua. T.Cuesta