*************************************************************

D. Benito Canella Meana (El ciego de Sobrescobio):

"La batalla de Covadonga"


FONTE:

"Lliteratura asturiana nel tiempu" (1994)
(Antón García)

***************************************************************

D’un cabu al utru de la probe España
el moru musulman jézose dueñu,
y a Dios, al home, a la muyer y al neñu
de raseru sirvió la so guadaña.

Pa llenar per completu so jazaña
abaxó per Asturies con empeñu:
más  Don Pelayu, regañando´l  ceñu,
salió a mostrar-y so jégadu y entraña.

Dio sobre illos lixeru como un rayu,
Sotrípalos y mata y encaleya
y viena encima d´ellos un argayu.

Si  dalgún ñon zapica  ni asguedeya
dé gracies a que juye  pel atayu
Y salva, pa contallo, la pelleya.