El sábadu va principiar la primer edición del Festival Arcu Atlánticu, que va tener una estaya dedicada a la lliteratura. L’Asociación Cultural L’Arribada presenta’l martes toles actividaes previstes nes Xornaes Lliteraries nel Arcu Atlánticu.
El cuartetu nipón Harmonic Cream va abrir esti llunes los conciertos del Festival Intercélticu d’Avilés cola so propuesta blues con toques celtes. Va ser la primera de les actuaciones d’esti certame que va allargase hasta’l domingu.
Esti vienres 13 de xunetu la Tertulia Pachín de Melás va falar sobre “Educación pública asturiana: crisis económica o cambiu de modelu” ónde se va tratar la problemática de la educación pública “ante les midíes d'axuste aplicaes enantes y les nueves que s'anuncien pal cursu que vien, y si tales midíes respuende solamente a una crisis económica o si escuende un cambéu de modelu na educación pública asturiana”.
Nel actu van participar, amás del propiu autor, Paloma Llanos, presentadora del programa Hoy por hoy Gijón de la cadena SER, Tino Lozano, Presidente de la Tertulia Cultural El Garrapiellu, y Fernando Couto, conceyal de Xixón.
El festival intercélticu impulsáu pol Conceyu d’Avilés, el Beltaine, namái tuvo trés años de vida. Esti xunetu nun va celebrase y, nel so llugar, Ayuntamientu y hosteleros y comerciantes del centru van entamar el Primer Sol Celta.
El Xardín Botánicu entama esti vienres una actividá venceyada al cine de terror que ta enmarcada nos actos del cincuenta aniversariu del FICXixón. Ente otres coses, los participantes van poder ver ‘La nueche de los muertos vivientes’.
Con motivu de la llegada de la esposición itinerante ‘Máscara Ibérica’ al Pueblu d’Asturies, Asturies.com ufre una galería con semeyes de la muestra y del festival de mesmu nome de Lisboa. Iván G. Fernández ye l’autor de toles fotografíes.
La presidenta del PP de Xixón, Pilar Fernández Pardo, inauguró la Xornada de Lliteratura y Cultura Asturianes qu’entama l’Área de la Muyer del so partíu. Destacó que’l patrimoniu cultural del país pue ser “un motor de desarrollu económicu y social”.
Hélder Ferreira, presidente de Progestur, señaló que “ye una satisfaición mui fuerte trayer a Asturies la esposición ‘Máscara Ibérica”. La muestra va tar abierta al públicu hasta’l 30 de setiembre nel Muséu del Pueblu d’Asturies.
El Centru de Cultura Antiguu Institutu va acoyer el llunes una xornada sobre cultura y lliteratura asturianes entamada pol Área de la Muyer del PP xixonés. La mitoloxía, la llingua y la lliteratura con firma femenina protagonicen les actividaes.
El Conceyu de Xixón presentó esti xueves de manera oficial el Festival Arcu Atlánticu, que va desendolcase na ciudá del 21 al 29 de xunetu. Ventisiete asociaciones y entidaes van collaborar na organización d’esta primer edición, dedicada a Portugal.
L’Asociación Cultural L’Arribada entama nesta ‘Semana Negra’ un actu dedicáu a la novela negro en llingua asturiana. Nél van participar los autores Roberto González-Quevedo, Vicente García Oliva y Xuan Xosé Sánchez Vicente.
Esti vienres va tener llugar nel Muséu del Pueblu d’Asturies la inauguración de la esposición de la Mázcara Iberica. Munches imáxenes y traxes de delles mazcaraes componen esta muestra itinerante entamada pola asociación Progestur.
El VI Premiu Timón p’autores en llingua asturiana y n’eonaviego, que concede l’Asociación Cultural L’Arribada, foi p’Antón García. L’escritor tinetense va recibir el gallardón nel mes de setiembre na celebración de L’Arribada 2012.
El conceyal Justo Villabrille criticó’l gastu del Festival Atlánticu, que cifró en 300.000 euros, y acusó a la FMCEyUP d’axudicar contratos a “deu”, faciendo referencia a L’Arribada. L’asociación calificó les sos declaraciones de “malintencionaes”.
Yá ta disponible na rede pa tolos usuarios la ‘Biblioteca Digital Maliaya’, ferramienta que permite consultar y descargar too tipo de documentos venceyaos con Villaviciosa. La Fundación José Cardín Fernández ye la impulsora d’esti proyeutu.
La Fiesta La Bretaña va averar esti sábadu la música y la cultura bretona a los asturianos. Ciañu acueye una celebración con clases maxistrales a lo llargo de tola tarde que va zarrar, yá de nueche, una gran espicha-conciertu.
L'investigador y escritor Bertu Álvarez Peña señala nel so últimu estudiu, 'Mitoloxía sobre los santos n'Asturies. Raigaños paganos del cristianismu', premiu d'ensayu Fierro Botas 2011, que'l cristianismu inventó los Santos cristianos pa da-y acoyida na so relixón a los antiguos dioses de les creencies politeístes paganes europees, anteriores a Cristo.
La presencia asturiana nel VII Festival Máscara Ibérica de Lisboa, que principia’l xueves, medra añu tres añu. Nesta ocasión participen Los Sidros y Les Comedies de Valdesoto y Os Reises de Valledor, amás de dellos grupos musicales.
Tres l’ésitu del añu pasáu, la Xuntanza Malabar torna a celebrase en L’Entregu pa disfrute de neños y mayores. A lo llargo del sábadu, el parque La Llaguna va acoyer una bona riestra d’actividaes venceyaes a actividaes circenses.
