"Ye esmolecedor que nun se tomen en consideración les nueses propuestes pa la reforma", diz Pumares

|
Adrián Pumares

El diputáu y secretariu xeneral de Foro valora'l proyeutu de Presupuestos Xenerales presentaos pol Gobiernu socialista esti xueves.

"Ye esmolecedor que nun s'incluya nestos Presupuestos rebaxa fiscal nenguna nin se tome en consideración nenguna de les nueses propuestes pa esa gran reforma que necesita Asturies", señaló Adrián Pumares depués de conocer les cuentes socialistes. "Daqué tan importante como la Llei de Presupuestos requier de más tiempu pa ser analizáu, estudiáu y enmendáu col rigor necesariu", apuntó al tiempu que llamentó que "la conseyera de Facienda nun cumpla nunca col Estatutu d'Autonomía, que recueye que los Presupuestos han entrar na Xunta trés meses enantes de que fine l'exerciciu".

Sí celebró que "por fin s'incluyan ayudes direutes a la natalidá, tal y como Foro Asturias lleva reclamando en solitariu dende l'entamu de la llexislatura", pero reclamó que "tienen que ser muncho más ambicioses y allargaes nel tiempu". Por último, rescampló que "queremos una apuesta muncho más decidida pola fiscalidá diferenciada pal mediu rural, y consideramos prioritario revisar y incrementar les zones que s'inclúin nesti modelu de fiscalidá diferenciada".

Na semeya, Pumares ayeri nel Plenu de la Xunta Xeneral.

Contador Estadistiques