Walter Bouzán y Álvaro Fernández Biuza ganen el Descensu del Seya

|
Walter Bouzán y Álvaro Fernández Biuza ganen el Descensu del Seya

La pareya astur-gallega llogra la so octava victoria nuna prueba en que Ramalho y Merchán fueron segundos, con  Martínez y Becerro terceros.

La tradicional competición piragüista nel ríu Seya que se disputa ente Les Arriondes y Ribeseya'l primer sábadu d'agostu celebró esti añu la so 81 edición na que participación esti añu 1.241 palistes y 866 embarcaciones.

La prueba tuvo mui igualada con alternatives nos sos 19 kilómetros, onde llegaron a tar nel grupu cabezaleru cinco piragües. Pero pasando Lloviu ya taben clares les pareyes que subiríen al podium en Ribeseya, pero non l'orde. Diba ser la estratexa nel portéu na islla de La Boticaria la que decidiese a los vencedores, y ansina Bouzán y Biuza llograron una pequeña difencia al tornar al agua sobre Ramalho y Merchán y Martínez y Becerro que foi suficiente pa pasar so la ponte de Ribeseya.

Nes otres categoríes, la victoria foi pa Alberto Plaza, seguíu del arxentín Franco Balboa en K-1. En K-2 categoría femenina venció la pareya Amaia Osaba y Tania Álvarez, siguíes por Eva Barros y Aurora Figueras, nel tercer llugar llegaron Patricia Coco y Cristina Franco. Nel K1 femenín la ganadora foi Tania Fernández García, cola segunda posición pa Jane Swarbreck y la tercera pa Eef Haaze.

El pregón d'esta edición diolu'l medayista olímpicu Saúl Craviotto, que tamién participó na prueba xunto'l so pa.

Contador Estadistiques