Muerre en Teberga un trabayador de 26 años tres cayer per un barrancu con un dúmper

UVIÉU, 9 de Setiembre (EUROPA PRESS) Un home de 26 años perdió la vida en cayendo per un barrancu con un dúmper, nuna pista n'obres, de la carretera del puertu de Ventana a Coañana, en Teberga. Al afectáu, que presentaba un traumatismu craneoencefálicu severu, treslladólu'l Grupu de Rescate de Bomberos d'Asturies, a bordu del helicópteru medicalizado de la entidá, al Hospital Universitariu Central d'Asturies (HUCA). Anque, dende un primer momentu y mientres el treslláu aplicáronse-y maniobres de reanimación, nun pudo facese nada por salvar la so vida.