La Conseyería de Cultura convoca los premios Emilio Alarcos, Juan Uría y Muséu Barjola

|

Les propuestes para optar a los galardones pueden presentase hasta'l 10 de setiembre.

El Boletín Oficial del Principáu d'Asturies (Bopa) publica güei la convocatoria de los premios Emilio Alarcos, Juan Uría y Muséu Barjola, colos que cada añu la Conseyería de Cultura, Política Llingüística y Turismu pretende fomentar la creatividá lliteraria y plástica, asina como la investigación sobre temática asturiana.

Los trabayos pa optar a los galardones pueden presentase hasta'l 10 de setiembre.

El Premiu Emilio Alarcos de poesía, qu'en 2020 algama la so 19ª edición, concédese a obres orixinales ya inédites, escrites en castellán y con una estensión mínima de 500 versos. Ta dotáu con 5.200 euros y va poder  partise ente dos obres si'l xuráu consideralo oportunu.

El galardón Juan Uría d'investigación estrema trabayos inéditos rellacionaos cola cultura asturiana, bien seyan de calter históricu, etnográficu, filolóxicu, musical, o de cualesquier otra temática que fomente'l so espardimientu y promoción. El premiu celebra anguaño'l so 37ª edición y ta dotáu con 2.000 euros, que tamién van poder partise ente dos obres si'l xuráu envalóralo oportunu.

El Muséu Barjola d'artes plástiques escueye un proyectu espositivu especialmente creáu pa la capiya de la Trinidá, nel Muséu Barjola de Xixón. Na so cuarta edición, ta dotáu con 5.000 euros.

 

Contador Estadistiques