Juan Vicente Herrera y Javier Fernández

Asturies quier facer un frente común con Aragón y Castilla y Lleón pa defender el carbón

Javier Fernández va aconceyar en febreru colos presidentes d’Aragón y de Castilla y Lleón en busca d’alcuerdu contra’l zarru de les térmiques y pola supervivencia de la minería. El conseyeru Isaac Pola va viaxar Bruxeles a finales d'esi mesmu mes pa participar nun alcuentru con otros 40 territorios mineros de la XE.

Paco Álvarez y Veiga reciben esti vienres los XVII Premios de la Crítica

L’Asociación d’Escritores d’Asturies entrega esti vienres n’Uviéu los XVII Premios de la Crítica y el XII Premiu de les Lletres d’Asturies. El ganador na estaya de novela n’asturianu foi Francisco ‘Paco’ Álvarez, mentes que na de poesía resultó gallardonáu Elías Veiga.

Daniel Ripa

Ripa defende nel Conseyu Ciudadanu Estatal de Podemos la “vía asturiana” d’aición política pa enfocar el 2018

Encarar los problemes de la xente al traviés de soluciones concretes. Asina define Daniel Ripa, secretariu xeneral de Podemos Asturies, la “vía asturiana”, que defendió’l sábadu nel primer Conseyu Ciudadanu Estatal nel que participa tres la so reeleición.

La revista ‘Trabatel’ llega al octavo númaro

‘Trabatel. Revista eonaviega de lliteratura’, editada pola Conseyeiría d’Educación y Cultura, presenta este venres el octavo númaro na sala El Pajar del complexo cultural As Quintas, na Caridá. Esta publicación anual nacéu nel 2008 cua finalidá d’ofrecer un espacio pra dar a conocer a creación lliteraria en gallego-asturiano.

El COFPA afirma que’l Gobiernu somete “a censura política” a les Brigaes d’Investigación de Quemes

El cambiu del modelu organizativu de les Brigaes d’Investigación de Quemes Forestales del Principáu d’Asturies (BRIPAS)  ye pal Conceyu por Otra Función Pública n’Asturies (COFPA) un movimiento de “censura política”. Pasa a depender del xerente del SEPA.

El Gobiernu aprueba la oficialización de la toponimia tradicional de Tapia, San Tiso d’Abres y Peñamellera Alta

El Conseyu de Gobiernu dio’l preste esti miércoles a trés decretos toponímicos que faen oficiales los nomes de llugar tradicionales de Tapia, San Tiso d’Abres y Peñamellera Alta. D’esta forma, yá son 59 los conceyos del país que recuperen los topónimos asturianos.

Variación población d'Asturies 2016-2017

Asturies perdió un total de 7.648 habitantes a lo llargo del añu 2016

La sangría demográfica nun apara n’Asturies. Los datos del padrón municipal con fecha del 1 de xineru del 2017, oficializáu recién pol Gobiernu estatal, asitien la población del país en 1.034.960, lo que significa una perda de 7.648 habitantes a lo llargo del 2016.

El primer tren de viaxeros a gas natural llicuáu del mundu percuerre víes asturianes: de Mieres a Figareo

Un tren de Renfe, el primeru a gas natural llicuáu d'Europa y de viaxeros a nivel mundial, percorrió a mou de prueba un tramu de 5 quilómetros ente les estaciones de Mieres y Figareo. La intención yera analizar les potenciales ventayes ambientales y económiques que pue aportar esti combustible en llinies non lletrificaes.