El 84 por cientu de los llectores d’Asturies.com ve descomanaes les llistes d’espera na Sanidá

|

Los usuarios d’Asturies.com consideren escesives les llistes d’espera esistentes na Sanidá asturiana. Un 84 por cientu de les persones que participaron nel nuesu ‘Conceyu Abiertu’ califica de descomanaes les cifres actuales: 18.000 pacientes n’espera d’operación con 72 días de demora media.

La Xunta Xeneral tien en marcha anguaño una Comisión d’Investigación sobre les Listes d’Espera de la Sanidá Asturiana, que finó recién la so fase de comparecencies con critiques del PP al considerar que nun ofrez soluciones a un problema qu’esmolez a gran parte de los nuesos llectores. Namái un 16 por cientu considera que la esistencia d’estes llistes ye dalgo nomal nun sistema sanitariu.

Dende esti momentu yá ye posible participar nun ‘Conceyu Abiertu’ nuevu. Nesta ocasión queremos conocer la opinión de los usuarios sobre la llegada a Asturies d’ocho radares que detecten si’l cinturón de seguridá nun ta puestu o si’l conductor fai usu del so teléfonu móvil.

Contador Estadistiques