Ecoloxistes presenten un recursu contra la realización de control poblacional del llobu nos Picos d'Europa

Dellos grupos ambientales y animalistes presentaron un recursu d'alzada contra la Resolución de 1 d'agostu de 2012 del Director del Parque Nacional de los Picos d'Europa, pola qu'autoriza la realización d'un control poblacional de llobos nel interior del espaciu protexíu (fasteres cántabra y asturiana), al entender que "contravién la normativa del parque y nun tien argumentos técnicos, nin sociales nin económicos que lo xustifiquen y faise ensin publicidá dalguna, nin s'espublizó nin nel Bopa nin nel Boe".